5 ᐱᓱᒃᓗᖓ ᑍᒪᓐᖓᑦ ᐊᖅᑯᑎᖕᓃᑎᓚᐅᓐᖓ, ᐊᓪᓗᕐᓂᒃᑲ ᐅᓂᐅᕐᓯᖁᓇᒋᑦ.
ᑐᒥᖏᑦ ᐊᑐᑦᓯᐊᕐᓗᒋᑦ ᒪᓕᒃᓯᒪᒐᒃᑭᑦ, ᐊᑐᕐᑕᐅᖁᔭᖓᑕᓗ ᐊᓯᐊᓄᑦ ᓴᖑᓚᐅᕐᓇᖓ.
ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.
ᑖᑦᓱᒪ ᐃᑎᒐᑎᑦ ᖁᐂᔭᕿᑎᓐᓂᐊᓐᖏᓔᑦ, ᑖᓐᓇᓗ ᓴᐳᑦᔨᔩᑦ ᓇᔭᖓᕐᓂᐊᓐᖏᓚᖅ.
ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ.
ᐊᖅᑯᑎᒐ ᐃᓱᐊᕐᓯᑎᑉᐸᑦ; ᐃᑎᒐᒃᑲ ᖁᐊᔭᕿᖁᓇᒋᑦ.
ᐊᑭᕋᕐᑐᕐᑎᒃᑲ ᕿᒫᔪᑦ ᒪᓕᓚᐅᕐᐸᒃᑲ, ᐊᖑᓪᓗᒋᓪᓗ; ᐅᑎᕆᐊᓚᐅᓐᖏᓚᖓᓗ ᑕᒪᕐᒥᒃ ᓄᖑᓚᐅᖏᓐᓂᖏᓐᓂ.
ᐅᖃᓚᐅᕋᒪ, “ᑐᓴᓚᐅᓐᖓ, ᐅᕙᓐᓂᒃ ᖁᕕᐊᓲᑎᖃᓕᖁᓇᒋᑦ, ᓯᐊᕐᕆᒍᒪᓗ ᐃᒻᒥᖕᓂᒃ ᓂᕐᑑᑎᖃᕐᓂᐊᕐᒪᑕ ᐊᑭᕋᕐᑐᕐᓗᖓ.”
ᐆᒻᒪᑎᕗᑦ ᐅᑎᕆᐊᕐᓯᒪᓐᖏᓚᑦ, ᐃᑎᒐᕗᓪᓘᓐᓃᑦ ᐊᖅᑯᑎᖕᓂᒃ ᕿᒤᓯᒪᓐᖏᓚᑦ;
ᐃᑎᒐᖕᒪ ᖁᐂᔭᕿᓐᓂᐅᔭᕐᓂᖏᓐᓂᒃ ᐃᒃᐱᒍᓱᓕᕐᑎᓪᓗᖓ, ᑕᕝᕙ ᕾᕗᑎᑦ ᓇᒡᓕᒍᓱᖕᓂᖃᕐᓗᑎᑦ ᓇᔪᒻᒥᓕᕐᓗᖓᓗ.
ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.
ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.
