ᐃᓐᖏᕈᑎᑦ 17:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.

ᐃᓐᖏᕈᑎᑦ 17:3 ပူးပေါင်းရင်းမြစ်များ

ᐃᓐᖏᕈᑎᑦ 26:2

ᖃᐅᔨᓴᓚᐅᓐᖓ, ᐊᑕᓃᖅ, ᐆᒃᑐᕐᓗᖓᓗ, ᐆᒻᒪᑎᒐ ᐃᓱᒪᒐᓗ ᐅᑦᔨᕐᓱᓚᐅᒃᑭᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐃᓐᖏᕈᑎᑦ 39:1

ᐅᖃᓚᐅᕐᐳᖓ, “ᐱᓂᐊᕐᓂᒃᑲ ᐅᑦᔨᕐᑐᕈᒪᕙᒃᑲ, ᐅᖃᕋ ᐱᐅᖏᑦᑐᓕᖁᓇᒍ; ᖃᓂᕋ ᓂᓪᓕᕐᑎᑦᑍᓕᔪᒪᕙᕋ; ᐱᐅᖏᑦᑐᓕᔪᑦ ᓵᓐᓃᑎᓪᓗᒋᑦ.”

ᔫᐱᐅᑉ ᐊᒡᓚᖏᑦ 23:10

ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᐃᓐᖏᕈᑎᑦ 139:1

ᐊᑕᓃᖅ, ᖃᐅᔨᓴᕐᓯᒪᒐᕕᖓ, ᖃᐅᔨᒪᓕᕐᐸᕐᒪ.

ᐃᓐᖏᕈᑎᑦ 119:106

ᐊᖏᒻᒪᕆᒃᓗᖓ ᐅᖃᕐᓯᒪᕗᖓ ᐊᑐᕈᒪᓪᓗᖓ, ᓈᓚᒍᒪᓂᕋᕐᓗᖓ ᐊᑐᕐᑕᐅᖁᔭᕐᓂᒃ ᓇᓛᒎᕐᑐᓂᒃ.

ᐃᓐᖏᕈᑎᑦ 66:10

ᒎᑏ ᐃᕝᕕᑦ ᐆᒃᑐᕋᕐᓯᒪᒐᑦᑎᒍᑦ, ᓴᓗᒻᒪᕐᓴᕐᓯᒪᕙᑦᑎᒍᑦ ᓯᐅᓪᕕᕆᐅᑉ ᓴᓗᒻᒪᕐᓴᕐᑕᐅᑦᔪᓯᖓᑐᑦ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᕼᐆᓯᐊᑉ ᐊᒡᓚᖏᑦ 7:6

ᓂᕿᓕᐅᕐᕕᒃᑐᑦ ᐆᒻᒪᑎᖏᑦ ᐆᑕᐅᕗᑦ ᐊᑭᕋᕐᑐᕋᓱᐊᕐᓂᕐᒧᑦ; ᐅᓐᓄᐊᓕᒫᖅ ᓂᓐᖓᐅᒪᓂᖏᑦ ᐃᓯᐊᕿᕗᑦ, ᑕᕝᕙ ᐅᓪᓛᒃᑯᑦ ᐃᑯᐊᓪᓚᒃᐳᑦ ᐃᑯᐊᓚᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:3

ᐅᖃᐅᓯᕆᔭᒥᓂᒃ ᐅᑦᔨᕐᓱᑦᓯᐊᕐᑐᖅ ᐃᓅᓯᕆᔭᒥᓂᒃ ᐱᓯᒪᒃᓯᑦᓯᐊᕐᐳᖅ, ᐅᖃᕐᑍᓕᓐᖏᓗᐊᕐᑐᕐᓕ ᐃᓅᓯᕐᒥᓂᒃ ᐊᓯᕈᐃᕗᖅ.

ᐃᓐᖏᕈᑎᑦ 16:7

ᐊᑕᓂᖅ ᓂᕐᑐᕐᐸᕋ, ᐋᖅᑭᒃᓲᑎᒥᒃ ᐅᖃᕐᕕᒋᖕᒪᖓ; ᐅᓐᓄᐊᒃᑯᓪᓘᓐᓃᑦ ᐆᒻᒪᑎᒪ ᐊᔪᕆᕐᑐᕐᐹᖓ.

ᐃᓐᖏᕈᑎᑦ 11:5

ᐊᑕᓂᐅᑉ ᐱᓇᓱᐊᑦᓯᐊᕐᑐᖅ ᖃᐅᔨᓴᕐᐹ, ᐱᐅᖏᑦᑐᓕᔪᓪᓕ, ᑲᑉᐱᐊᓱᒃᑎᑦᓯᓂᕐᒥᒡᓗ ᖁᕕᐊᒋᔭᖃᕐᑐᑦ ᐆᒥᒋᕔᑦ.

ᐃᓐᖏᕈᑎᑦ 7:4

ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ; ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,

ᔫᐱᐅᑉ ᐊᒡᓚᖏᑦ 24:14

ᐃᓄᐊᕐᑏᑦ ᐅᓐᓄᐊᒃᑯᑦ ᒪᑭᑉᐸᒃᐳᑦ, ᑐᖁᑦᓯᔪᒪᓪᓗᑎᒃ ᐊᒃᓱᔪᓂᒃ ᐊᔪᕐᓴᕐᑐᓂᒡᓗ; ᐅᓐᓄᐊᒃᑯᓪᓗ ᑎᒡᓕᒐᕐᑎᐅᓕᕐᐸᒃᓗᑎᒃ.

ᓴᒧᐃᓕ ᓯᕗᓪᓖᑦ 26:23

ᐊᑕᓂᐅᑉ ᐊᑭᓕᑦᓯᐊᖃᑦᑕᕐᐰᑦ ᓇᓛᒍᑦ ᐱᓇᓱᐊᕐᑐᑦ ᐃᓱᐊᕐᑐᓪᓗ; ᐅᓪᓗᒥ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐹᑎᑦ, ᑭᓯᐊᓂᓕ ᐱᒋᐊᓚᐅᓐᖏᓚᒋᑦ ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓚᐅᕐᒪᑎᑦ.

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᓴᒧᐃᓕ ᓯᕗᓪᓖᑦ 24:10

ᑕᑯᒋᑦ, ᐅᓪᓗᒥ ᐃᔨᖕᓄᑦ ᑕᑯᕗᑎᑦ ᐊᑕᓂᐅᑉ ᑐᓂᓚᐅᕐᐹᑎᑦ ᐊᒡᒐᓐᓄᑦ ᕾᕈᓲᑉ ᐃᓗᐊᓂ, ᐅᖃᐅᑦᔭᐅᓚᐅᕐᐳᖓ ᑐᖁᑕᐅᖁᔭᐅᓪᓗᑎᑦ, ᐅᕙᖓᓕ ᓴᐳᑎᓚᐅᕐᐸᒋᑦ, ᐅᖃᓚᐅᕋᒪ, ‘ᐊᒡᒐᓐᓄᑦ ᐱᓇᓱᐊᕐᓂᐊᓐᖏᓚᖓ ᐊᑕᓂᓐᓄᑦ; ᑖᓐᓇ ᐊᑕᓂᐅᑉ ᐅᕐᓱᕐᑎᕐᓯᒪᖕᒪᒍ.’

ᔧᒥᓯᐅᑉ ᐊᒡᓚᖏᑦ 3:2

ᑕᒪᑦᑕ ᐊᑦᔨᒌᖏᑦᑐᑎᒍᑦ ᑕᒻᒪᕐᐸᒃᑲᑦᑕ, ᓇᓪᓕᐊᓪᓗ ᐅᖃᐅᓯᕐᒥᒍᑦ ᑕᒻᒪᓚᐅᕐᓯᒪᖏᑦᑐᖅ ᑖᓐᓇ ᓈᒻᒪᑦᓯᐊᕐᑐᒥᒃ ᐃᓅᓯᖃᕐᐳᖅ, ᑎᒥᓂᓗ ᐊᔪᕐᑐᓕᓂᕐᒧᑦ ᐱᑎᑦᑍᓕᔪᓐᓇᕐᐹ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:4

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᖏᓐᓇᒪ, ᐃᓱᒪᔮᕈᑎᖃᖏᓐᓂᕋᓕ ᓱᓕᔪᒥᒃ ᐸᓯᔭᒃᓴᐅᖏᒻᒪᖔᕐᒪ ᓇᓗᓁᕐᓯᓐᖏᓚᖅ. ᐊᑕᓂᕐᓕ ᑖᓐᓇ ᐅᕙᓐᓂᒃ ᐃᖅᑲᕐᑐᐃᔨᐅᕗᖅ.

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᐃᓐᖏᕈᑎᑦ 139:23

ᒎᑏ, ᖃᐅᔨᓴᓚᐅᓐᖓ, ᐆᒻᒪᑎᒐᓗ ᖃᐅᔨᓗᒍ! ᐆᒃᑐᕋᓚᐅᓐᖓ, ᐃᓱᒪᒋᔭᒃᑲᓗ ᖃᐅᔨᓗᒋᑦ!

ᔨᕆᒤᐊᐅᑉ ᐊᒡᓚᖏᑦ 12:3

ᐅᕙᓐᓂᒡᓕ ᖃᐅᔨᒪᕗᑎᑦ, ᐊᑕᓃᖅ, ᐊᑐᕐᑕᓕᒫᒃᑲ ᑕᑯᓐᓇᕋᕕᒋᑦ, ᖃᓄᕐᓗ ᐃᓕᖕᓂᒃ ᐃᓱᒪᖃᕐᒪᖔᕐᒪ ᖃᐅᔨᓴᕈᓐᓇᕐᓗᑎᑦ. ᐱᐅᖏᑦᑐᓕᔪᑦ ᓴᓂᕐᕙᓚᐅᒃᑭᑦ ᓰᐱᑎᑐᑦ ᓴᓂᕐᕙᒃᑕᐅᓯᒪᔪᑎᑐᑦ ᐅᓪᓗᒧᑦ ᑐᖁᑕᐅᓂᒃᓴᖏᓐᓄᑦ.