ᐃᓐᖏᕈᑎᑦ 16:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 16:11 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 2:28

ᖃᐅᔨᑎᑉᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓗᐊᕐᑐᒥᒃ ᐱᑕᖃᕐᒪᑦ.’

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 7:14

ᐃᑎᕐᕕᒃ ᓂᕈᑭᑦᑑᕗᖅ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᖏᑦᑑᓪᓗᓂ, ᐅᓄᖏᑦᑐᑦ ᑕᒪᓐᓇ ᓇᓂᕚᑦ.”

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᒫᑎᐅᓯᐅᑉ ᐊᒡᓚᖏᑦ 5:8

ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ; ᒎᑎᒥᒃ ᑕᑯᔪᒫᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12

ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:28

ᐃᓱᐊᕐᑐᓕᓂᐅᑉ ᐊᖅᑯᑎᖓᓂ ᐃᓅᓯᐅᕗᖅ, ᐊᖅᑯᑎᒋᔭᖓᓂᓗ ᑐᖁᓐᓇᕐᑐᕐᑕᖃᓐᖏᓚᖅ.

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 25:33

ᓰᐲᑦ ᑕᓕᕐᐱᖕᒥᓄᐊᕈᒫᕐᐰᑦ, ᒎᑦᓰᓪᓕ ᓴᐅᒥᖕᒥᓄᐊᕐᑎᓪᓗᒋᑦ.

ᐃᓐᖏᕈᑎᑦ 139:24

ᑕᑯᓗᑎᓪᓗ ᖃᓄᑐᐃᓐᓇᖅ ᐱᐅᖏᑦᑐᒥᒃ ᐃᓅᓯᓐᓃᑦᑐᖃᕐᒪᖔᑦ, ᑕᓯᐅᕐᓗᖓᓗ ᐃᓅᓯᕐᒧᑦ ᐃᓱᖃᖏᑦᑐᒧᑦ!

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:19

ᐊᕐᓇᒧᑦ ᑍᒤᑦᑐᒧᑦ ᐂᓯᒪᔪᑦ ᐅᑎᕐᑐᖃᕈᓐᓇᓐᖏᓚᑦ, ᐃᓅᓯᖃᕐᓇᕐᑐᒧᓪᓗ ᐅᑎᒃᑲᓐᓂᕈᓐᓇᕋᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:6

ᐃᓅᓯᖓ ᐃᓅᓯᖃᕐᓇᕐᑐᒧᑦ ᑐᕌᖓᓐᖏᓚᖅ, ᐱᐅᓯᖃᕐᐳᖅ ᓴᖑᐃᕐᑐᒥᒃ, ᐊᑐᕐᓂᐊᕐᑕᒥᓂᒡᓗ ᖃᐅᔨᒪᓇᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 7:56

ᐅᖃᕐᓗᓂ, “ᑕᑯᒋᑦ, ᕿᓚᒃ ᐊᖕᒪᕐᑐᖅ ᑕᑯᕙᕋ, ᐃᓅᓪᓗ ᐃᕐᓂᖓ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ.”

ᐃᓐᖏᕈᑎᑦ 4:8

ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.