ᐃᓐᖏᕈᑎᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᒥᓄᓪᓗ ᐅᖃᕐᓂᕐᓘᑎᖅᑲᖏᑦᑐᖅ, ᐱᐅᖏᑦᑐᒥᒡᓗ ᐱᓂᐊᕐᓂᖃᖏᑦᑐᖅ ᐃᓅᖃᑎᒥᓄᑦ, ᐃᓅᖃᑎᒥᓄᓪᓗ ᐅᖃᐅᓯᕐᓗᖕᒥᒃ ᓂᓪᓕᐊᖏᑦᑐᖅ,

ᐃᓐᖏᕈᑎᑦ 15:3 ပူးပေါင်းရင်းမြစ်များ

ᕉᒪᒥᐅᓄᑦ 13:10

ᓇᒡᓕᖕᓂᖅ ᐃᓅᖃᑎᒧᑦ ᓈᒻᒪᖏᑦᑐᓕᖏᒻᒪᑦ; ᑍᒤᒻᒪᑦ ᐃᓅᖃᑎᒥᒃ ᓇᒡᓕᒍᓱᒃᑐᖅ ᐱᖁᔭᓂᒃ ᒪᓕᑦᓯᐊᕐᐳᖅ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᒨᓯᓯ ᐱᖓᔪᖏᑦ 19:16

ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 56:2

ᖁᕕᐊᓱᒃᐳᖅ ᐃᓄᒃ ᑍᒤᓕᐅᕐᑐᖅ, ᐃᓅᓪᓗ ᐃᕐᓂᖓ ᑕᒪᑐᒥᖓ ᑎᒍᒥᐊᑦᓯᐊᕋᓱᐊᕐᑐᖅ; ᓴᐸᑎᒥᒡᓗ ᑲᒪᑦᓯᐊᕐᑐᖅ ᓇᕐᕈᓇᕐᓯᑎᓐᓇᒍᓗ, ᐱᐅᖏᑦᑐᒥᒡᓗ ᐱᓇᓱᐊᕐᑍᓕᔪᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:3

ᕿᓚᒃ ᐳᕐᑐᓂᕆᓗᒍ ᓄᓇᓗ ᐃᑎᓂᕆᓗᒍ, ᑍᒫᒃ ᐊᖓᔪᖅᑳᕐᔪᐊᑉ ᐃᓱᒪᖓ ᓇᓂᔭᒃᓴᐅᓐᖏᓚᖅ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:10

ᒥᑕᐅᑎᒃᓴᕐᑐᖅ ᐊᓂᑎᑕᐅᒃᐸᑦ ᐊᒃᓱᕈᕐᑎᑕᐅᓂᖅ ᐊᓂᓂᐊᕆᕗᖅ, ᐂᕙᓂᖅ ᓵᓚᓯᐊᖃᕐᓂᕐᓗ ᓄᖅᑲᕐᓂᐊᕆᕗᑦ.

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.