15 ᑖᑦᓱᒪ ᐱᖁᔨᓂᓂ ᑎᓕᕚ ᓄᓇᕐᔪᐊᒧᑦ; ᐅᖃᐅᓯᖓᓗ ᓱᒃᑲᔫᓪᓗᓂ ᑎᑭᐅᑎᕗᖅ.
ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?
ᑖᑦᓱᒪ ᑕᓯᐅᕐᓯᓂᖓᓄᑦ ᓄᕗᔭᑦ ᑬᕕᖃᑦᑕᕐᐳᑦ, ᖃᓄᑐᐃᓐᓇᖅ ᐱᖁᑐᐊᕐᒪᒋᑦ ᐱᕙᓪᓕᐊᖃᑦᑕᕐᐳᑦ ᓇᓂᓕᒫᑦᓯᐊᖅ ᓄᓇᕐᔪᐊᕐᒥ ᓇᔪᕐᑕᐅᔪᒥ.
ᑖᑦᓱᒪ ᐅᖃᐅᓯᓂ ᑎᓕᕚ, ᐋᖅᑭᒡᓗᒋᓪᓗ, ᓴᐳᑎᓪᓗᒋᓪᓗ ᑐᖁᒥᑦ.
ᑖᓐᓇ ᐱᖁᔨᖕᒪᑦ, ᑕᕝᕙ ᐊᓄᕌᓕᕐᐳᖅ ᐊᖅᑯᓇᓕᕐᓗᓂ, ᐃᖏᐅᓕᐊᓗᐃᓪᓗ ᒪᑭᓯᕗᑦ ᐃᒪᕐᐱᖕᒥ.
ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
ᐊᑕᓂᖅ ᑐᓂᓯᓚᐅᕐᐳᖅ ᐅᖃᐅᓯᕐᒥᒃ; ᐃᓄᒋᐊᒃᑐᐊᓘᓚᐅᕐᐳᑦ ᐅᖃᐅᓯᖃᕐᑐᑦ ᑕᒪᑐᒥᖓ ᑐᓴᕈᒥᓇᕐᑐᒥᒃ:
ᐊᑕᓂᐅᓪᓕ ᐃᒪᕐᕕᒃ ᑎᓕᒃᓕᕐᕕᒋᕚ ᐊᓄᕆᕐᔪᐊᒥᒃ, ᐊᖅᑯᓇᕐᑐᐊᓘᓚᐅᕐᐳᕐᓗ ᐅᒥᐊᕐᔪᐊᖅ ᓱᕋᑐᐃᓐᓇᕆᐊᖃᕐᓗᓂ ᐊᒡᓛᑦ.
ᔩᓱᓯᓕ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓄᑦ ᐅᖃᕐᐳᖅ, “ᐊᖏᕐᕋᓕᕆᑦ; ᑕᒪᑐᒥᖓ ᐅᒃᐱᕆᔭᕐᓂᒃ ᑐᓂᓯᕕᐅᓂᐊᕐᐳᑎᑦ.” ᐅᓇᑕᕐᑐᒃᓮᓪᓗ ᐊᖓᔪᖅᑳᖓᑦᑕ ᐱᔨᖓ ᑕᕝᕔᓐᓇᖅ ᐋᖅᑭᒃᑕᐅᕗᖅ ᐃᑲᕐᕋᒥ ᑕᕝᕙᓂ.
ᑭᖑᓪᓕᕐᐹᒥᒡᓕ ᙭ᔅᑑᓯᒥᐅᑕᐅᖃᑎᒃᑲ, ᑐᒃᓯᐅᑎᑎᒍᑦ, ᐊᑕᓂᐅᑉ ᐅᖃᐅᓯᖏᑦ ᓱᒃᑲᔪᒥᒃ ᓯᐊᒻᒪᕐᑎᑕᐅᕙᓪᓕᐊᖁᓪᓗᒋᑦ ᓂᑐᕐᓇᕐᑎᑕᐅᓗᑎᒃᓗ ᓇᓂᑐᐃᓐᓇᖅ ᐅᐱᒋᔭᐅᑦᓯᐊᕐᓗᑎᒃ, ᐃᓕᑦᓯᑐᑦ,
