ᐃᓐᖏᕈᑎᑦ 146:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.

ᐃᓐᖏᕈᑎᑦ 146:7 ပူးပေါင်းရင်းမြစ်များ

ᐃᓐᖏᕈᑎᑦ 10:18

ᐊᑖᑕᖃᖏᑦᑐᑦ, ᓵᓚᓯᐊᖑᔪᓪᓗ ᓴᐳᑎᔪᒪᕙᑎᑦ, ᐃᓄᐃᑦ ᓄᓇᒦᑦᑐᑦ ᑲᑉᐱᐊᓱᒃᑎᑦᓯᔪᓐᓃᖁᓪᓗᒋᑦ.

ᐃᓐᖏᕈᑎᑦ 103:6

ᐊᑕᓂᐅᑉ ᐃᑲᔪᕐᑎᒃᓴᖃᖏᑦᑐᓕᒫᑦ ᐱᓇᓱᐊᕐᕕᒋᕔᑦ ᐃᓱᐊᕐᓂᕐᒥᒃ ᓈᒻᒪᓈᑦᓯᐊᕐᓂᕐᒥᒡᓗ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 136:25

ᓂᕿᒃᓴᓂᒃ ᑐᓂᓯᔪᖅ ᐆᒪᔪᓕᒫᓄᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 142:7

ᑎᒍᔭᐅᓯᒪᕕᖕᒥᑦ ᐊᓂᑎᓚᐅᓐᖓ, ᐊᑎᕐᓄᑦ ᖁᔭᓕᔪᓐᓇᖁᓪᓗᖓ! ᑕᕝᕙ ᐃᓱᐊᕐᑐᓄᑦ ᐊᕙᓗᔭᐅᓂᐊᕐᐳᖓ; ᐃᓛᒃ ᐱᑦᓯᐊᕐᕕᒋᓂᐊᕋᕕᖓ.

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᐃᓐᖏᕈᑎᑦ 68:6

ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.

ᐃᓐᖏᕈᑎᑦ 68:7

ᒎᑏ, ᐃᓄᖁᑎᕕᑦ ᓯᕗᓂᖓᓃᓚᐅᕋᕕᑦ ᐊᐅᓪᓚᕐᑎᓪᓗᒋᑦ, ᐱᓱᖃᑦᑕᐅᓚᐅᕐᐳᑎᑦ ᐃᓄᖃᖏᑦᑐᒃᑰᕐᑎᓪᓗᒋᑦ. ᓰᓚ

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:14

ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:53

ᑳᒃᑐᑦ ᓂᕿᒃᓴᖏᓐᓂᒃ ᑐᓂᓯᕕᒋᕔᑦ ᐱᐅᔪᓂᒃ, ᐊᔪᕐᓴᖏᑦᑐᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 9:17

ᐃᓄᓕᒫᑦ ᓂᕆᕗᑦ ᐊᕿᐊᑦᑐᕐᓗᑎᒃ; ᐃᓕᓐᓂᐊᕐᑎᖏᑕ ᐊᒥᐊᒃᑯᑦ ᐊᒡᒍᕐᓯᒪᔪᑦ ᓄᐊᑉᐰᑦ ᐃᕕᐅᔭᓄᑦ 12ᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:26

ᑕᕝᕔᓐᓇᖅ ᓄᓇ ᓴᔪᒃᐱᓪᓚᒃᑐᐊᓘᕗᖅ, ᑎᒍᔭᐅᓯᒪᕕᐅᑉ ᑐᓐᖓᕕᖏᑦ ᐊᒡᓛᑦ ᐊᐅᓚᑦᔭᒃᓗᑎᒃ; ᒪᑐᓕᒫᖏ ᒪᑐᐃᕐᐳᑦ, ᐊᕐᓵᕐᑑᔧᑦ ᐊᑦᑐᖏᐅᑎᖏᑦ ᑎᒍᔭᐅᓯᒪᔪᓂᑦ ᐲᔭᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:19

ᐅᓐᓄᐊᖑᓕᕐᑎᓪᓗᒍ ᐊᑕᓂᐅᑉ ᐂᖏᓕᖓᑕ ᑎᒍᔭᐅᓯᒪᕕᐅᑉ ᐅᒃᑯᐊᖏᑦ ᒪᑐᐃᕐᐰᑦ, ᐊᓂᑎᓪᓗᒋᑦ ᐅᖃᐅᑎᕔᑦ,