ᐃᓐᖏᕈᑎᑦ 145:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ ᓂᑲᒍᓱᖕᓂᖃᕐᓗᓂᓗ, ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.

ᐃᓐᖏᕈᑎᑦ 145:8 ပူးပေါင်းရင်းမြစ်များ

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᐃᓐᖏᕈᑎᑦ 103:8

ᐊᑕᓂᖅ ᓂᑲᒍᓱᒃᐳᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᓐᖏᓚᖅ ᓇᒡᓕᒍᓱᑦᓮᓐᓇᕐᓗᓂᓗ.

ᐃᓐᖏᕈᑎᑦ 116:5

ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐃᐱᓯᒥᐅᓄᑦ 1:8

ᑕᒪᑐᒥᖓ ᐊᖏᔪᕐᔪᐊᒥᒃ ᑐᓂᓯᕕᒋᓚᐅᕐᒪᑎᒍᑦ ᓯᓚᑐᓂᕐᔪᐊᒥᒍᑦ ᖃᐅᔨᒪᓂᕐᔪᐊᒥᒍᓪᓗ.

ᐃᐱᓯᒥᐅᓄᑦ 2:4

ᒎᑎᐅᓪᓕ ᓂᑲᒍᓱᖕᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓᓄᑦ, ᓇᒡᓕᒍᓱᖕᓂᕐᔪᐊᒥᓄᓪᓗ ᓇᒡᓕᒋᓚᐅᕋᒥᑎᒍᑦ,