ᐃᓐᖏᕈᑎᑦ 145:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 145:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᓴᒧᐃᓕ ᐂᑉᐸᖏᑦ 22:31

ᑖᓐᓇ ᒎᑎ-ᐱᓂᐊᕐᓂᖃᕐᐳᖅ ᓈᒻᒪᓈᑦᓯᐊᕐᑐᒥᒃ; ᐊᑕᓂᐅᑉ ᐊᖏᕈᑎᒋᓯᒪᔭᖏᑕ ᓱᓕᓂᖏᑦ ᓴᖅᑭᑎᑕᐅᕗᑦ; ᓴᐴᓗᑕᐅᕗᖅ ᕿᒫᔪᓕᒫᓄᑦ ᑖᑦᓱᒧᖓ.

ᔫᐱᐅᑉ ᐊᒡᓚᖏᑦ 34:10

ᑍᒤᒻᒪᑦ, ᓈᓚᓚᐅᕐᓯᓐᖓ ᑐᑭᓯᓯᒪᔪᓯ, ᒎᑎ ᐱᐅᖏᑦᑐᓕᔪᓐᓇᕐᐹ? ᑕᒪᓐᓇ ᑐᑭᖃᖏᑦᓯᐊᕐᐳᖅ, ᐊᔪᒐᖃᖏᑦᑐᖅ ᑕᒻᒪᕈᓐᓇᕐᐹ?

ᔫᐱᐅᑉ ᐊᒡᓚᖏᑦ 34:12

ᒎᑎ ᓇᓗᓇᓐᖏᓚᖅ ᐱᐅᖏᑦᑐᒥᒃ ᐱᓇᓱᐊᕐᓂᐊᖏᒻᒪᕆᒃᑐᖅ, ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓂᐊᖏᓚᖅ ᓈᒻᒪᖏᑦᑐᒧᑦ.

ᐃᓐᖏᕈᑎᑦ 103:6

ᐊᑕᓂᐅᑉ ᐃᑲᔪᕐᑎᒃᓴᖃᖏᑦᑐᓕᒫᑦ ᐱᓇᓱᐊᕐᕕᒋᕔᑦ ᐃᓱᐊᕐᓂᕐᒥᒃ ᓈᒻᒪᓈᑦᓯᐊᕐᓂᕐᒥᒡᓗ.

ᐃᓐᖏᕈᑎᑦ 112:4

ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.

ᐃᓐᖏᕈᑎᑦ 116:5

ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

ᐃᓐᖏᕈᑎᑦ 50:6

ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ, ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᔨᐸᓁᐊᐅᑉ ᐊᒡᓚᖏᑦ 3:5

ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”