ᐃᓐᖏᕈᑎᑦ 145:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 145:1 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:13

“ᑍᒤᒻᒪᑦ ᒫᓐᓇ ᖁᔭᒋᕙᑦᑎᒋᑦ ᒎᑎᕗᑦ, ᐊᑏᓪᓗ ᓂᕐᑐᕐᓇᕐᑐᖅ ᓂᕐᑐᕐᐸᕗᑦ.

ᐃᓐᖏᕈᑎᑦ 100:1

ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ, ᓄᓇᕐᔪᐊᕐᒥᐅᓕᒫᖑᔪᓯ!

ᐃᓐᖏᕈᑎᑦ 118:28

ᐃᕝᕕᑦ ᒎᑎᒋᕙᒋᑦ, ᖁᔭᒋᓂᐊᕐᐸᒋᓪᓗ; ᐃᕝᕕᑦ ᒎᑎᒋᕙᒋᑦ, ᐊᖏᔪᕈᕐᑎᓐᓂᐊᕐᐸᒋᓪᓗ.

ᐃᓐᖏᕈᑎᑦ 145:21

ᖃᓂᕋ ᐅᖃᓪᓚᖕᓂᐊᕐᐳᖅ ᐊᑕᓂᖅ ᓂᕐᑐᕐᓗᒍ, ᑎᒥᖃᕐᑐᓕᒫᓪᓗ ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓕᑦᔪᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 146:2

ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ; ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ.

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 30:1

ᐊᖏᔪᕈᕐᑎᑦᓱᒪᕙᒋᑦ, ᐊᑕᓃᖅ, ᐅᓇᓐᖓᑦ ᖃᑭᑎᓯᒪᒐᕕᖓ, ᐆᒥᒋᔨᒃᑲᓗ ᐅᕙᓐᓂᒃ ᖁᕕᐊᓱᒍᑎᖃᕐᑎᖏᓐᓇᕕᒋᑦ.

ᐃᓐᖏᕈᑎᑦ 30:12

ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.

ᐃᓐᖏᕈᑎᑦ 30:2

ᐊᑕᓃᖅ, ᒎᑎᒐ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᒐᒪ, ᑕᕝᕙ ᑎᒥᒃᑯᑦ ᐋᖅᑭᓚᐅᕐᐸᕐᒪ.

ᐃᓐᖏᕈᑎᑦ 34:1

ᐊᑕᓂᖅ ᖃᖓᓕᒫᖅ ᓂᕐᑐᕈᒪᕙᕋ; ᓂᕐᑐᐃᓂᕐᓗ ᑖᑦᓱᒥᖓ ᖃᓂᓐᓃᑦᓮᓐᓇᕐᓂᐊᕐᐳᖅ.

ᐃᓐᖏᕈᑎᑦ 44:4

ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.

ᐃᓐᖏᕈᑎᑦ 45:1

ᐆᒻᒪᑎᒐ ᑕᑕᑉᐳᖅ ᐅᖃᐅᓯᒃᓴᒥᒃ ᐱᐅᔪᒥᒃ; ᑎᑎᖅᑲᓂᒡᓗ ᐊᑐᐊᕐᓯᕗᖓ ᐊᖓᔪᖅᑳᕐᔪᐊᖅ ᐱᑦᔪᑎᒋᓪᓗᒍ; ᐅᖃᕋ ᑎᑎᕋᑦᓯᐊᕈᓐᓇᕐᑐᑐᑦ ᑍᒤᑉᐳᖅ.

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᐃᓐᖏᕈᑎᑦ 5:2

ᐃᓗᖏᕐᓱᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᐃᓕᖕᓄᑦ ᑐᒃᓯᐊᕐᓂᐊᕋᒪ, ᐊᖓᔪᖅᑳᕐᔪᐊᕆᒐᒃᑭᑦ, ᒎᑎᒋᓪᓗᑎᓪᓗ.

ᐃᓐᖏᕈᑎᑦ 5:3

ᐅᓪᓛᒃᑯᑦ ᓂᐱᒐ ᑐᓴᕐᓂᐊᕐᐸᑦ ᐊᑕᓃᖅ, ᐅᓪᓛᒃᑯᑦ ᐃᓕᖕᓄᑦ ᑐᕌᕐᑐᒥᒃ ᓂᓪᓕᐊᔪᒪᕗᖓ, ᖁᒻᒧᓪᓗ ᑕᑯᓴᕐᓂᐊᕐᐳᖓ.

ᐃᓐᖏᕈᑎᑦ 52:9

ᖁᔭᒋᓂᐊᕐᐸᒋᑦ ᐃᓱᖃᖏᑦᑐᒧᑦ, ᐱᓂᐊᕐᓯᒪᔭᑎᑦ ᐱᑦᔪᑎᒋᓪᓗᒋᑦ. ᐃᑦᔪᕐᓁᑦᑐᖁᑎᑎᑦ ᐃᓚᒋᓗᒋᑦ ᐊᑏᑦ ᐅᖃᐅᓯᕆᔪᒪᕙᕋ, ᐱᐅᔫᖕᒪᑦ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᐃᓐᖏᕈᑎᑦ 75:9

ᐅᕙᖓᓕ ᓇᓗᓁᕐᓯᔪᒫᕐᐳᖓ ᐃᓱᖃᖏᑦᑐᒧᑦ, ᔧᑰᓪᓗ ᒎᑎᖓ ᐃᓐᖏᕐᕕᒋᔪᒪᕙᕋ ᓂᕐᑐᕐᓗᒍ.

ᐃᓐᖏᕈᑎᑦ 95:3

ᐊᑕᓂᖅ ᒎᑎᕐᔪᐊᖑᖕᒪᑦ, ᐊᖓᔪᖅᑳᕐᔪᐊᖑᓪᓗᓂᓗ ᒎᑎᒋᔭᐅᔪᓕᒫᓄᑦ.

ᐃᓐᖏᕈᑎᑦ 96:2

ᐊᑕᓂᖅ ᐃᓐᖏᕐᕕᒋᓯᐅᒃ, ᐊᑎᖓ ᓂᕐᑐᕐᓗᒍ; ᐱᐅᓕᔭᐅᕕᒃᓴᖃᕐᑎᑦᓯᓂᖓ ᑐᓴᕈᒥᓇᕐᑐᖅ ᖃᐅᑕᒫᑦ ᐅᖃᐅᑎᒋᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 38:20

ᐊᑕᓂᐅᑉ ᐱᐅᓕᖕᒪᖓ, ᐃᓐᖏᕐᓂᐊᕐᐳᒍᑦ ᑐᓴᕐᓂᕋᐅᑎᓄᑦ ᓄᖃᕐᑎᓕᖕᓄᑦ ᐃᓅᓂᓕᒫᑦᑎᓐᓂ, ᐊᑕᓂᐅᑉ ᐃᒡᓗᖓᓂ.”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”