ᐃᓐᖏᕈᑎᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᐅᖏᑦᑐᓕᔪᑦ ᑍᒪᓐᖓᑦ ᑐᑭᓯᓂᐊᓐᖏᓛᑦ? ᑖᒃᑯᐊ ᐃᓄᖁᑎᓐᓂᒃ ᓂᕆᔪᑦ ᓂᐊᖂᔭᒥᒃ ᓂᕆᔪᑎᑐᑦ, ᐊᑕᓂᕐᒧᓪᓗ ᓂᓪᓕᐊᓇᑎᒃ.

ᐃᓐᖏᕈᑎᑦ 14:4 ပူးပေါင်းရင်းမြစ်များ

ᐃᓐᖏᕈᑎᑦ 79:6

ᓂᓐᖓᐅᒪᖔᓚᐅᕆᑦ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ; ᐊᖓᔪᖅᑲᐅᕕᖕᓄᓪᓗ ᐃᓕᖕᓂᒃ ᑐᒃᓯᐊᕐᕕᖃᕐᐸᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 10:25

ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐃᓐᖏᕈᑎᑦ 82:5

ᖃᐅᔨᒪᓐᖏᓚᑦ ᑐᑭᓯᓇᑎᒡᓗ, ᑖᕐᑐᒥ ᐃᓅᕗᑦ; ᑍᒤᒻᒪᑦ ᓄᓇᕐᔪᐊᑉ ᑐᓐᖓᕕᓕᒫᖏᑦ ᓴᔪᒃᐳᑦ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 8:4

ᑐᓴᕐᓯᐅᒃ ᐃᓕᑦᓯ ᓱᒃᑯᔨᐊᖃᕐᑐᓯ ᐊᔪᕐᓴᕐᑐᓂᒃ, ᓄᓇᖁᑎᑦᓯᓐᓂᓗ ᐊᒃᓗᔪᓂᒃ ᐊᔪᓕᕐᑎᑦᓯᔪᓯ.

ᐃᓐᖏᕈᑎᑦ 27:2

ᐱᐅᖏᑦᑐᓕᔪᑦ ᕾᓕᕐᐸᑕ ᐅᕙᓐᓂᒃ ᐊᑭᕋᕐᑐᕈᒪᓗᑎᒃ ᐅᕕᓂᒐ ᓂᕆᔪᒪᓗᒍ, ᐊᑭᕋᕐᑐᕐᑎᒃᑲ ᐅᓇᖕᒥᔨᒃᑲᓗ ᐅᐸᒃᑐᕐᐸᑕ, ᑕᕝᕙ ᐹᓪᓚᒃᐳᑦ ᐅᕐᕈᓪᓗᑎᒡᓗ.

ᒐᓔᑎᐊᒥᐅᓄᑦ 5:15

ᐃᓕᑦᓯᓐᓄᓪᓕ ᐆᒪᔪᑎᑐᑦ ᐹᑐᐃᓐᓇᖃᑦᑕᕈᑦᓯ ᐋᓂᕐᓯᖃᑕᐅᑎᓗᓯ ᐱᓂᕐᓕᖃᑕᐅᑎᓗᓯᓗ ᖃᐅᔨᒪᓕᕆᑦᓯ ᐃᓅᖃᑎᒌᖕᓂᓯ ᓱᕋᓛᐳᖅ.

ᕼᐆᓯᐊᑉ ᐊᒡᓚᖏᑦ 7:7

“ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔫᐱᐅᑉ ᐊᒡᓚᖏᑦ 27:10

ᐊᔪᒐᖃᖏᑦᑐᖅ ᖁᕕᐊᓲᑎᒋᔪᓐᓇᕐᐸᐅᒃ? ᒎᑎᓗ ᑍᒪᓐᖓᑦ ᓂᓪᓕᐊᕕᒋᖃᑦᑕᕋᔭᕐᐸᐅᒃ?

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᔫᐱᐅᑉ ᐊᒡᓚᖏᑦ 21:15

ᖃᓄᐃᑦᑑᖕᒪᑦ ᐊᔪᒐᖃᖏᑦᑐᖅ, ᓱᖕᒪᑦ ᐱᔨᑦᓯᕆᐊᖃᕐᐸᕘᑦ? ᖃᓄᕐᓗ ᐱᕙᓪᓕᕈᑎᖃᕋᔭᕐᐱᑕ ᑐᒃᓯᐊᕐᕕᒋᒍᑦᑎᒍ?’

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:14

ᐃᓄᖃᕆᕗᖅ ᑭᒍᑎᖃᕐᑐᓂᒃ ᓴᕕᒡᔪᐊᑎᑐᑦ, ᑭᒍᑎᖏᑦ ᓴᕕᒃᑎᑑᕐᑐᓂᒃ, ᐊᔪᕐᓴᕐᑐᓂᒃ ᐄᖅᑲᕐᑐᑎᑐᑦ ᓄᖒᑦᓯᓇᓱᐊᕐᐸᒃᑐᓂᒃ ᓄᓇᒥ ᐃᓅᔪᓂᒃ, ᐱᖃᖏᑦᑐᓂᒃ ᐃᓄᐃᑦ ᐊᑯᕐᖓᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.