ᐃᓐᖏᕈᑎᑦ 138:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᐃᓐᖏᕈᑎᑦ 138:8 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 10:3

ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?

ᔫᐱᐅᑉ ᐊᒡᓚᖏᑦ 10:8

ᐊᒡᒐᒃᐱᑦ ᓴᓇᓪᓗᓂᖓ ᐋᖅᑭᒃᓱᓚᐅᕐᐹᖓ; ᒫᓐᓇᓗ ᑖᒃᑯᓄᖓᑦᓮᓐᓇᖅ ᐊᓯᕈᕐᑕᐅᓕᕐᐳᖓ.

ᔫᐱᐅᑉ ᐊᒡᓚᖏᑦ 14:15

ᐅᕙᓐᓄᑦ ᓂᓪᓕᐊᓕᕈᕕᑦ, ᑭᐅᓂᐊᕐᐸᒋᑦ, ᕿᓚᓈᕆᓕᕐᓂᐊᕐᐸᕐᒪᓗ, ᓴᓇᓯᒪᒐᕕᖓ.

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 136:1

ᐊᑕᓂᖅ ᖁᔭᒋᓯᐅᒃ, ᑖᓐᓇ ᐱᐅᔫᖕᒪᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 57:2

ᓂᓪᓕᐊᕗᖓ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ, ᒎᑎᒧᑦ ᐱᓇᓱᐊᕐᑐᒧᑦ ᐱᑦᔪᑎᒃᓴᕆᔭᒥᓂᒃ ᐅᕙᓐᓄᑦ.

ᐃᓐᖏᕈᑎᑦ 57:3

ᑎᓕᓯᓂᐊᕐᐳᖅ ᕿᓚᖕᒥᑦ ᐱᐅᓕᓗᖓᓗ, ᓵᓚᒋᓂᐊᕐᐰᓪᓗ ᐅᕙᓐᓂᒃ ᑐᖁᑦᓯᓇᓱᐊᕐᑐᑦ. ᓰᓚ ᒎᑎᐅᑉ ᓇᒡᓕᖕᓂᓂ ᓱᖁᓯᔪᐃᑑᓂᓂᓗ ᑎᓕᓂᐊᕐᐹᒃ.

ᐂᓮᐊᓯᐅᑉ ᐊᒡᓚᖏᑦ 26:12

ᐊᑕᓃᖅ, ᓮᓕᓂᕐᒥᒃ ᐅᕙᑦᑎᓐᓂ ᐱᒋᐊᕐᑎᑦᓯᓚᐅᕐᒥᒋᑦ, ᐱᓂᐊᕐᓂᕗᑦ ᑕᒪᕐᒥᒃ ᐊᔪᕐᓇᕈᓐᓃᕐᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:24

ᑖᓐᓇ ᐃᓕᑦᓯᓐᓂᒃ ᕾᖁᔨᓚᐅᕐᑐᖅ ᓱᖁᓯᔪᐃᑦᑑᒐᒥ, ᑖᑦᓱᒪ ᑕᒪᓐᓇ ᐱᓇᓱᐊᕐᓂᐊᕐᐹ.

ᐲᑦᑐᕉᓯ ᓯᕗᓪᓖᑦ 4:19

ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.

ᔫᑎᐅᑉ ᐊᒡᓚᖏᑦ 1:1

ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ: