ᐃᓐᖏᕈᑎᑦ 138:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᐃᓐᖏᕈᑎᑦ 138:7 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐃᓐᖏᕈᑎᑦ 85:6

ᓂᑯᕕᑎᒋᐊᓪᓚᒍᒪᔪᓐᓃᕐᐱᑎᒎᑦ? ᐃᓄᖁᑎᑎᑦ ᐃᓕᖕᓂᒃ ᓂᕐᑐᐃᔪᓐᓇᖁᓪᓗᒋᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔫᐱᐅᑉ ᐊᒡᓚᖏᑦ 13:15

ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᐃᓐᖏᕈᑎᑦ 60:5

ᓵᓚᖃᕐᑎᑎᒍᑦ ᐊᒡᒐᖕᓄᑦ ᑕᓕᕐᐱᖕᓄᑦ ᑭᐅᓗᑕᓗ! ᓇᒡᓕᒋᔭᑎᑦ ᓴᐳᑎᔭᐅᖁᓪᓗᒋᑦ.

ᐃᓐᖏᕈᑎᑦ 17:7

ᓇᒡᓕᖕᓂᕐᒧᑦ ᓱᖁᓯᔪᐃᑦᑐᒧᑦ ᑲᒪᑦᓯᐊᕐᓃᑦ ᓴᖅᑭᑎᓚᐅᕈᒃ ᑲᒪᓇᕐᑐᖅ ᐊᒡᒐᖕᓄᑦ ᑕᓕᕐᐱᖕᓄᑦ, ᐃᕝᕕᑦ ᓴᐳᑦᔨᒐᕕᑦ ᐃᓕᖕᓂᒃ ᑕᑎᖃᕐᑐᓂᒃ.

ᐃᓐᖏᕈᑎᑦ 77:10

ᑕᕝᕙ ᐅᖃᓚᐅᕐᐳᖓ, “ᑕᒪᓐᓇ ᑕᕝᕙ ᐃᓱᒪᔮᕈᑎᒐ ᖁᑦᓯᖕᓂᕐᐹᑉ ᑕᓕᕐᐱᖕᒥᓄᑦ ᐱᓂᐊᕐᓂᖏᑦ ᐊᓯᑦᔨᕐᓯᒪᓕᕐᐳᑦ.”

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐃᓐᖏᕈᑎᑦ 18:35

ᓴᐴᓗᑕᕐᒥᒃ ᑐᓂᓯᕕᒋᒋᕙᕐᒪ, ᐱᐅᓕᔭᐅᓂᐅᑉ ᓴᐴᓗᑕᖓᓂᒃ; ᐊᒡᒐᖕᓄᓪᓗ ᑕᓕᕐᐱᖕᓄᑦ, ᒪᑭᑕᑎᑉᐸᕐᒪ, ᐱᑦᓯᐊᕐᓂᕕᓪᓗ ᓂᑲᒍᓱᒃᑑᑉ ᐊᔪᖏᑦᑐᕐᔪᐊᓐᖑᕐᑎᑉᐹᖓ.

ᐃᓐᖏᕈᑎᑦ 56:9

ᐃᓕᖕᓄᑦ ᓂᓪᓕᐊᓕᕈᒪ ᐊᑭᕋᕐᑐᕐᑎᒃᑲ ᑕᕝᕙ ᐅᑎᕆᐊᕐᓂᐊᕐᐳᑦ; ᑕᒪᓐᓇ ᖃᐅᔨᑦᔪᑎᒋᓂᐊᕐᐸᕋ ᒎᑎᐅᑉ ᐃᓚᒋᖕᒪᖓ.

ᐃᓐᖏᕈᑎᑦ 20:6

ᒫᓐᓇᓕ ᖃᐅᔨᒪᕗᖓ ᐊᑕᓂᐅᑉ ᐅᕐᓱᕐᑎᕐᓯᒪᔭᓂ ᐃᑲᔪᕐᓂᐊᕐᒪᒋᑦ; ᑐᓴᕐᓂᐊᕐᐹᓗ ᕿᓚᖕᒥᑦ ᐃᑦᔪᕐᓁᑦᑐᒥᑦ ᐱᐅᓕᕐᓯᓂᕐᒥᓄᑦ ᓴᓐᖏᔪᒧᑦ ᑕᓕᕐᐱᖕᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:12

ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 57:16

ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᐃᓐᖏᕈᑎᑦ 18:17

ᓴᐳᑎᓚᐅᕐᐹᖓᓗ ᐊᑭᕋᕐᑐᕐᑎᓐᓂᑦ ᓴᓐᖏᔪᓂᑦ; ᐊᑭᕋᕐᑐᕐᑎᓐᓂᑦ ᐅᕙᓐᓂᑦ ᓴᓐᖏᓂᕐᓴᐅᓗᐊᕐᑐᓂᑦ.

ᐃᓐᖏᕈᑎᑦ 18:18

ᑖᒃᑯᓄᖓ ᐅᐸᒃᑐᕐᑕᐅᓚᐅᕋᒪ ᐅᖁᒤᒃᓴᕐᑎᓪᓗᖓ, ᐊᑕᓂᕐᓕ ᐃᑲᔪᕐᑎᒋᓚᐅᕐᐸᕋ.