ᐃᓐᖏᕈᑎᑦ 137:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 137:7 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 6:14

ᑐᒃᓯᐊᓚᐅᕐᐳᖓ, “ᒎᑏᒃ, ᐃᖅᑲᐅᒪᒋᑦ ᑐᐱᐊᑉ ᓴᓐᐸᓛᑎᐅᓪᓗ ᐱᓂᐊᕐᓂᕆᔭᖏᖕᓂᒃ ᓱᒋᐊᕐᓗᒋᒡᓗ, ᐃᖅᑲᐅᒪᒍᒃᑕᐅᖅ ᑍᓐᓇ ᐊᕐᓇᖅ ᓄᐊᑎᐊ ᐊᓯᖏᓪᓗ ᐱᔪᒫᕐᑐᓂᒃ ᐅᖃᕐᑎᐅᔪᑦ ᐅᕙᓐᓂᒃ ᑲᑉᐱᐊᓱᒃᑎᑦᓯᓇᓱᐊᓚᐅᕐᑐᑦ.”

ᐃᓐᖏᕈᑎᑦ 74:18

ᐅᓇ ᐃᖅᑲᐅᒪᒍᒃ, ᐊᑕᓃᖅ, ᐊᑭᕋᕐᑐᕐᑏᑦ ᐃᓕᖕᓂᒃ ᒥᑕᐅᑎᖃᕐᒪᑕ, ᐃᓄᐃᓪᓗ ᓯᓔᑦᑐᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᐳᑦ.

ᒨᓯᓯ ᐂᑉᐸᖏᑦ 17:14

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 35:15

ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 35:2

“ᐃᓅᑉ ᐃᕐᓂᖓ, ᖃᖅᑲᒥ ᓰᐊᕆᒥᐅᑦ ᓵᓐᖓᓗᒋᑦ ᐅᖃᕐᕕᒋᒃᑭᑦ, ᓱᒋᐊᒐᒃᓴᐅᓂᕋᕐᓗᒋᓪᓗ,

ᕼᐆᓯᐊᑉ ᐊᒡᓚᖏᑦ 7:2

ᐃᓱᒪᓚᐅᕐᓯᒪᓐᖏᓚᓪᓘᓐᓃᑦ ᐱᐅᖏᑦᑐᓕᓂᖏᓐᓂᒃ ᐃᖅᑲᐅᒪᒐᔭᕐᓂᓐᓂᒃ; ᐊᔪᕐᑐᓕᓂᕐᒥᖕᓄᑦ ᐃᓗᒪᔭᐅᓕᕐᐳᑦ, ᑮᓇᕐᒪᓗ ᓯᕗᕌᓃᑉᐳᑦ.”

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᕼᐊᐸᑲᐅᑉ ᐊᒡᓚᖏᑦ 3:13

ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.

ᓴᒧᐃᓕ ᓯᕗᓪᓖᑦ 15:2

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᒫᒃ ᐅᖃᕐᐳᖅ, ‘ᐊᒪᓕᑬᒥᐅᑦ ᓱᒋᐊᕈᒪᕙᒃᑲ ᐱᓂᐊᕐᓂᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ, ᐊᑭᕋᕐᑐᓚᐅᕐᒪᑕ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒋᑦ.