ᐃᓐᖏᕈᑎᑦ 137:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓕᖕᓂᒃ ᐃᖅᑲᐅᒪᔪᓐᓁᓪᓕᓐᓂᕈᒪ, ᑕᕝᕙ ᐅᖃᕋ ᕿᓚᓐᓄᑦ ᓂᐱᓐᖓᓕᕐᓕ; ᔨᕉᓴᓕᒻ ᖁᕕᐊᓲᑎᒋᓂᕐᐹᕆᓗᒍ ᑍᒤᑦᑐᓐᓃᕐᓂᕈᒪ!

ᐃᓐᖏᕈᑎᑦ 137:6 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 29:10

ᐊᖑᑎᑦ ᐱᓪᓚᕆᖁᑕᐅᔪᑦ ᓂᐸᖏᕐᐸᓚᐅᕐᐳᑦ, ᐅᖃᖏᑦ ᐊᒡᓛᑦ ᕿᓚᖏᓐᓄᑦ ᓂᐱᓪᓗᑎᒃ.

ᔫᐱᐅᑉ ᐊᒡᓚᖏᑦ 31:22

ᑕᕝᕙ ᑕᓕᕋ ᑭᐊᓯᒃᑯᑦ ᐲᕐᓗᓂ ᐊᑲᐅᓂᕐᓴᐅᒐᔭᕐᐳᖅ, ᑕᓕᕋᓗ ᓇᒡᒍᐊᖓᒍᑦ ᐲᕐᑕᐅᓗᓂ ᐊᑲᐅᓂᕐᓴᐅᒐᔭᕐᐳᖅ.

ᐃᓐᖏᕈᑎᑦ 22:15

ᓄᑭᒃᑲ ᐸᓂᕐᓯᒪᕗᑦ ᓄᓇᑐᑦ ᐸᓐᓇᕆᒃᑐᑐᑦ, ᐅᖃᕋᓗ ᓂᐱᑉᐳᖅ ᐊᒡᓕᕈᓐᓄᑦ; ᐃᓕᕙᕐᒪᓗ ᑐᖂᑉ ᐳᔪᕐᓗᖓᓄᑦ.

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:4

ᓄᑕᕋᓛᑦ ᐅᖃᖏᑦ ᕿᓚᖕᒥᖕᓄᑦ ᓂᐱᓐᖓᓕᕐᐳᑦ ᐃᒥᕈᖕᓂᕐᒧᑦ, ᕿᑐᕐᖓᖏᑦ ᑐᒃᓯᕋᕋᓗᐊᕐᐳᑦ ᓂᕿᒃᓴᒥᒃ ᑐᓂᔭᐅᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 3:26

ᐅᕾᑦ ᖃᓂᕐᐱᑦ ᕿᓚᖓᓄᑦ ᓂᐱᑎᑦᓱᒫᕐᐸᕋ, ᑕᕝᕙ ᐅᖃᕈᓐᓁᓪᓕᔪᒫᕐᐳᑎᑦ ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑐᑦ ᐃᓂᕐᑎᕈᓐᓇᕐᓂᐊᓐᖏᓚᑎᑦ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐱᓕᐱᒥᐅᓄᑦ 1:20

ᐱᔪᒪᓂᕐᐹᕆᔭᕋᓕ ᓂᕆᐅᒋᓪᓗᒍᓗ ᐱᔭᕆᐊᖃᕐᑕᓐᓂᒃ ᑲᔪᓯᔪᒪᓪᓗᖓ ᑲᓐᖑᓲᑎᒃᓴᖃᕈᒪᓇᖓ, ᓴᐱᖏᑦᓯᐊᕐᓂᖃᕈᒪᓪᓗᖓ ᒫᓐᓇᒥᑦ ᑍᒪᓐᖓᓕᒫᖅ ᐃᓅᓯᕋ ᙭ᔅᑑᓯᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ ᑐᕌᖓᖁᓪᓗᒍ, ᐃᓅᒐᓗᐊᕈᒪ ᑐᖁᒐᓗᐊᕈᒪᓘᓐᓃᑦ.