2 ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!
ᐄᓱᕋᓗ ᓂᕐᑐᐃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᒎᑎᓗ ᐊᖏᓂᕐᐸᐅᔪᖅ!” ᑕᕝᕙ ᐃᓄᐃᑦ ᐃᓘᓐᓇᑎᒃ ᑕᓕᕐᒥᖕᓂᒃ ᖁᒻᒧᐊᒃᑎᑦᓯᓪᓗᑎᒃ ᑭᐅᕗᑦ, “ᐋᒦᓐ! ᐋᒦᓐ!” ᓰᖅᑯᕐᓗᑎᒡᓗ ᑐᒃᓯᐊᓕᕐᐳᑦ ᐊᑕᓂᕐᒧᑦ ᒪᓂᖅᑲᒧᑦ ᐳᓪᓗᑎᒃ.
ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.
ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ; ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.
ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.
ᐃᑦᔪᕐᓁᑦᑐᕕᖕᒥ ᕿᓂᓚᐅᕐᐸᒋᑦ, ᐊᔪᒐᖃᖏᓐᓃᑦ ᐱᓇᕐᓇᕐᓃᓪᓗ ᑕᑯᔪᒪᓪᓗᒋᒃ.
ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.
ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ.
ᐅᓐᓄᐊᑐᐃᓐᓇᒃᑯᑦ ᑐᐸᒡᓗᓯ ᐊᑕᓂᕐᒧᑦ ᕿᐊᕕᖃᕆᑦᓯ; ᐃᓗᒥᐅᑕᓕᒫᓯ ᑯᕕᓯᐅᒃ ᐃᒪᕐᑎᑐᑦ ᐊᑕᓂᐅᑉ ᓵᖓᓂ, ᐊᒡᒐᓯ ᐃᓴᒃᓯᒋᒃ ᕿᑐᕐᖓᓯ ᐱᑦᔪᑎᒋᓗᒋᑦ, ᕿᑐᕐᖓᓯ ᐱᕐᓕᓕᕐᒪᑕ ᐊᖅᑯᑎᓂ ᓇᓂᑐᐃᓐᓇᖅ.
ᐆᒻᒪᑎᕗᑦ ᐅᒃᑯᐃᑦᓯᐊᕐᓗᒋᑦ ᒎᑎᒧᑦ ᐅᖃᕐᓗᑕᓗ,
ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.
