ᐃᓐᖏᕈᑎᑦ 132:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᕝᕙᓂ ᑍᕕᑎᐅᑉ ᓇᒡᔪᖓ ᒪᑭᑎᓐᓂᐊᕐᐸᕋ; ᐅᕐᓱᕐᑎᕐᓯᒪᔭᕋ ᐊᑐᐃᓐᓇᕈᐃᕕᒋᓯᒪᕙᕋ ᓇᓂᕈᐊᕐᒥᒃ.

ᐃᓐᖏᕈᑎᑦ 132:17 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:36

ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.

ᐊᑕᓃᑦ ᓯᕗᓪᓖᑦ 15:4

ᑍᒤᒃᑲᓗᐊᕐᑎᓪᓗᒍ ᐊᑕᓂᐅᑉ ᒎᑎᐅᑉ ᑭᖑᕚᕐᑖᕐᑎᓚᐅᕐᐹ ᐃᕐᓂᕐᑖᕐᑎᓪᓗᒍᓗ ᑍᕕᑎ ᐱᑦᔪᑎᒋᓪᓗᒍ, ᐃᕐᓂᖓᓗ ᐃᓇᖐᑎᓚᐅᕐᐹ ᑖᑦᓱᒪ ᑭᖑᓂᖓᓂ, ᔨᕉᓴᓕᒻ ᐊᖓᔪᖅᑳᕐᔪᐊᖃᕐᕕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 8:19

ᑍᒤᒃᑲᓗᐊᕐᑎᓪᓗᒍ ᐊᑕᓂᐅᑉ ᔫᑕᒥᐅᑦ ᐊᓯᕈᕈᒪᓚᐅᓐᖏᓔᑦ, ᑍᕕᑎ ᐱᔨᓂ ᐱᓪᓗᒍ, ᐊᖏᕐᓯᒪᓚᐅᕋᒥ ᑍᕕᑎ ᖃᐅᒻᒪᖁᑎᐅᖁᓪᓗᒍ ᑭᖑᕚᖏᓐᓄᑦ ᑎᑭᑦᑐᒥᒃ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 21:7

ᐊᑕᓂᐅᓪᓕ ᑍᕕᑎᐅᑉ ᑭᖑᕚᖏᑦ ᐊᓯᕈᕈᒪᓚᐅᓐᖏᓔᑦ, ᐊᖏᖃᑎᖃᕐᓯᒪᓂᕐᒥᓂᒃ ᑍᕕᑎᒧᑦ ᐱᑦᔪᑎᖃᕐᓗᓂ, ᐊᖏᕐᕕᒋᓚᐅᕋᒥᐅᒃ ᑭᖑᕚᖏᑦ ᐊᐅᓚᑦᓯᔨᐅᖁᓪᓗᒋᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 148:14

ᑖᑦᓱᒪ ᐃᓄᖁᑎᖏᑕ ᓇᒡᔪᖏᑦ ᐊᖏᔪᕈᕐᑎᑉᐰᑦ, ᐃᑦᔪᕐᓁᑦᑐᖁᑎᓕᒫᖏᑕ ᓂᕐᑐᕐᓕᑦᔪᒃ, ᐃᓴᕆᐊᓕᒥᐅᑦ ᐃᓄᖏᑕ ᑖᑦᓱᒥᖓ ᖃᓂᒃᓴᕐᑐᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 89:25

ᑖᑦᓱᒪ ᐊᒡᒐᖏᑦ ᐃᒪᕐᕕᖕᒧᐊᖓᑎᓐᓂᐊᕐᐸᒃᑲ ᑕᓕᕐᐱᖓᓗ ᑰᖕᓄᐊᖓᑎᓪᓗᒍ.

ᐃᓐᖏᕈᑎᑦ 92:10

ᓇᒡᔪᒐᓕ ᐊᖏᔪᕈᕐᑎᓚᐅᕐᐸᑦ ᐃᒻᒧᒃᓯᐅᒐᐅᑉ ᐸᖕᓂᖓᑐᑦ ᓴᓐᖏᑎᒋᓕᕐᑎᓪᓗᒍ; ᐅᕐᓱᒥᒡᓗ ᓄᑖᒥᒃ ᑯᕝᕕᕆᓚᐅᕐᐸᕐᒪ.

ᐃᓯᑭᐊᓕᐅᑉ ᐊᒡᓚᖏᑦ 29:21

“ᑕᒪᓐᓇ ᐊᑐᓕᕐᐸᑦ ᐃᓴᕆᐊᓕᒥᐅᑦ ᐱᔪᓐᓇᐅᑎᒃᓴᕐᑖᕐᑎᑦᓱᒫᕐᐸᒃᑲ, ᐅᖃᐅᑦᔪᐃᔪᓐᓇᖁᓪᓗᑎᓪᓗ ᑖᒃᑯᓄᖓ ᖃᓃᑦ ᒪᑐᐃᕈᒫᕐᐸᕋ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᓘᑲᓯᐅᑉ ᐊᒡᓚᖏᑦ 1:69

ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ, ᐱᔨᒥ ᑍᕕᑎᐅᑉ ᑭᖑᕚᖏᓐᓂ.

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”