10 ᐱᔩᑦ ᑍᕕᑎ ᐱᑦᔪᑎᒋᓗᒍ, ᐅᕐᓱᕐᑎᕐᓯᒪᔭᕕᑦ ᑮᓇᖓ ᐊᓚᕐᓂᐊᕐᓇᒍ.
ᑕᒪᒃᑭᕐᓗᒍᓕ ᐊᖓᔪᖅᑳᕐᔪᐊᒃᑯᕕᒃ ᐲᕐᓂᐊᖏᓚᕋ ᓲᓗᒨᓂᒥᑦ; ᐊᐅᓚᑦᓯᔨᐅᑎᓐᓂᐊᕐᐸᕋ ᐃᓅᓯᓕᒪᖓᓂ, ᐱᔨᒐ ᑍᕕᑎ ᐱᔪᑎᒋᓪᓗᒍ, ᓂᕈᐊᕐᓯᒪᓚᐅᕋᒃᑯ ᑖᓐᓇ ᓈᓚᓚᐅᕐᒪᑦ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ;
ᑖᒃᑯᐊ ᐃᒡᓗᒐᓴᒡᔪᐊᑦ ᓴᐳᑎᓯᒪᓂᐊᕋᒃᑭᑦ, ᐅᕙᖓ ᓇᖕᒥᓂᖅ ᐱᑦᔪᑎᒋᓗᖓ ᑍᕕᑎᓗ ᐱᑦᔪᑎᒋᓗᒍ.”
ᑍᒤᒃᑲᓗᐊᕐᑎᓪᓗᒍ ᐊᑕᓂᐅᑉ ᔫᑕᒥᐅᑦ ᐊᓯᕈᕈᒪᓚᐅᓐᖏᓔᑦ, ᑍᕕᑎ ᐱᔨᓂ ᐱᓪᓗᒍ, ᐊᖏᕐᓯᒪᓚᐅᕋᒥ ᑍᕕᑎ ᖃᐅᒻᒪᖁᑎᐅᖁᓪᓗᒍ ᑭᖑᕚᖏᓐᓄᑦ ᑎᑭᑦᑐᒥᒃ ᐃᓱᖃᖏᑦᑐᒧᑦ.
ᐊᑕᓃᖅ ᒎᑏ, ᑮᓁᑦ ᐊᓚᕐᑎᓐᓂᐊᕐᓇᒍ ᐅᕐᓱᕐᑎᓯᒪᔭᕐᓂᑦ! ᐃᖅᑲᐅᒪᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᔨᖕᓂᒃ ᑍᕕᑎᒥᒃ.”
ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.
ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.
ᒎᑏ ᓴᐴᓗᑕᕆᔭᕗᑦ, ᐅᕐᓱᕐᑎᕐᓯᒪᔭᕐᐱᑦ ᑮᓇᖓ ᑕᑯᓴᓚᐅᕈᒃ.
ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.
