4 ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.
ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.
ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,
ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.
ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.
“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.
ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.
ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”
ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;
ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.
ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.
ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.
ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.
ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,
ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.
ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”
