1 ᐃᑎᓂᕐᒥᑦ ᓂᓪᓕᐊᕗᖓ ᐊᑕᓃᖅ ᐃᓕᖕᓄᑦ.
ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?
ᖁᕕᐊᓱᓚᐅᕐᐳᖓ ᐅᖃᐅᑎᔭᐅᒐᒪ, “ᐊᑕᓂᐅᑉ ᐃᒡᓗᖓᓄᑦ ᐃᑎᓚᐅᕐᑕ.”
ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.
ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓴᕆᐊᓕᑎᒃᑯᑦ ᒫᓐᓇ ᐅᖃᓕᕐᓕᑦ!
ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.
ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.
ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.
ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.
ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ, ᒫᓐᓇ ᐃᓴᕆᐊᓕᑎᒃᑯᑦ ᐅᖃᓕᕐᓕᑦ:
ᑕᑉᐹᓐᖓᑦ ᑎᓕᓯᓚᐅᕐᐳᖅ, ᐂᓪᓗᖓᓗ, ᓄᓱᓚᐅᕐᐹᖓᓗ ᐃᒪᕐᔪᐊᓂᑦ.
ᕿᓗᕚᖓᓗ ᐃᑎᕐᓵᓗᖕᒥᑦ ᐊᓯᐅᓇᕐᑐᒥᑦ, ᒪᕐᕋᕐᒥᑦ ᐊᕿᑦᑐᐊᓗᖕᒥᑦ, ᐃᑎᒐᒃᑲᓗ ᕾᕐᑐᒧᐊᕐᑎᑉᐰᑦ, ᐊᓪᓗᕐᕕᒋᓂᐊᕐᑕᒃᑲᓗ ᐋᖅᑭᑦᓯᐊᕐᐰᑦ.
ᐃᑎᔪᖅ ᓂᓪᓕᐊᕗᖅ ᐃᑎᔪᒧᑦ, ᖁᕐᓗᕐᓂᖁᑎᕕᑦ ᓂᐱᕐᔪᐊᖓᓄᑦ; ᒪᓕᒡᔪᐊᑦ ᐃᖏᐅᓕᒡᔪᐊᓪᓗ ᐅᓕᒃᓯᒪᕚᖓ.
ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
