ᐃᓐᖏᕈᑎᑦ 126:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.”

ᐃᓐᖏᕈᑎᑦ 126:2 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 8:21

ᖃᓂᓯ ᐃᔪᕈᓐᓇᕐᓯᑎᑦᓱᒫᕆᕔᑦ, ᖃᓂᑦᓯᒍᓪᓗ ᐃᒡᒋᐊᖅᑰᕐᒥᔮᕐᓂᕐᒥᒃ ᓴᖅᑭᑎᑦᓯᔪᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᐃᓐᖏᕈᑎᑦ 53:6

ᐃᓴᕆᐊᓕᒧᑦᑐᖅ ᐃᑲᔪᕐᑎᒃᓴᒥᒃ ᑎᑭᑦᑐᖃᓚᐅᕐᓕ ᓮᐅᓂᒥᑦ! ᒎᑎᐅᑉ ᐃᓄᖁᑎᓂ ᐅᑎᕐᑎᓕᕐᐸᒋᑦ ᐊᐅᓪᓚᕐᑎᑕᐅᓯᒪᕕᖕᒥᑦ, ᔧᑯ ᖁᕕᐊᓱᒍᒫᕐᐳᖅ ᐃᓴᕆᐊᓕᓗ ᐊᓕᐊᓁᒍᓱᒡᓗᓂ.

ᓂᕼᐃᒤᐊᐅᑉ ᐊᒡᓚᖏᑦ 6:16

ᐊᑭᕋᕐᑐᕐᑎᕗᑦ ᖃᓂᒋᔭᑦᑎᓐᓃᑦᑐᑦ ᑐᓴᕋᒥᒃ ᑕᒪᑐᒥᖓ, ᐃᓅᖃᑎᒌᒡᔪᐊᓕᒫᓪᓗ ᖃᓂᒋᔮᓃᑦᑐᑦ ᑲᑉᐱᐊᓱᓕᓚᐅᕐᐳᑦ ᐃᒻᒥᖕᓂᒡᓗ ᐃᒃᐱᒋᐅᒻᒥᓕᕐᓗᑎᒃ, ᐃᓘᓐᓇᑎᒃ ᖃᐅᔨᓚᐅᕐᒪᑕ ᐱᓇᓱᐊᕐᑕᑦᑎᓐᓂᒃ ᐱᔭᕇᓚᐅᕋᑦᑕ ᒎᑎᐅᑉ ᐃᑲᔪᕐᓂᖓᒍᑦ.

ᕉᒪᒥᐅᓄᑦ 11:15

ᓇᕐᕈᓂᖏᓐᓄᑦ ᓯᓚᕐᔪᐊᕐᒥᐅᑦ ᒎᑎᒥᒃ ᐃᓚᓐᓈᖃᓕᕐᑎᑕᐅᒃᐸᑕ, ᖃᓄᐃᓕᕋᔭᕐᐸᓪᓖ ᐃᓚᓕᐅᕆᓕᕐᐸᑕ? ᐃᓅᓯᕐᑖᕐᑎᑦᓯᒐᔭᕐᐳᑦ ᑐᖁᒥᑦ.

ᐃᓐᖏᕈᑎᑦ 51:14

ᐱᐅᓕᓚᐅᓐᖓ ᐊᐅᖕᒥᒃ ᐊᑭᓕᒃᓴᖃᕐᓂᕐᒥᑦ, ᒎᑏ, ᐱᐅᓕᔭᐅᓂᕐᒪ ᒎᑎᖓ, ᐅᖃᕋ ᑕᕝᕙ ᓂᐱᖅᑯᕐᑐᓗᓂ ᐃᓐᖏᕐᓂᐊᕐᐳᖅ ᐃᓱᐊᕐᓂᕐᓂᒃ.

ᐃᓐᖏᕈᑎᑦ 14:7

ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ.

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᒨᓯᓯ ᓯᑕᒪᖏᑦ 23:23

ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᐃᓯᑭᐊᓕᐅᑉ ᐊᒡᓚᖏᑦ 36:36

ᐃᓅᖃᑎᒌᒡᔪᐊᑦ ᐊᒥᐊᒃᑰᔪᑦ ᓄᓇᑦᓯ ᐊᕙᑖᓃᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ, ᐊᑕᓂᖅ, ᐃᒡᓗᒐᓴᒡᔪᐊᕕᓂᕐᓂᒃ ᐋᖅᑭᒃᓱᐃᒃᑲᓐᓂᕐᓯᒪᓂᓐᓂᒃ, ᐱᕈᕐᓰᕕᕕᓂᕐᓂᒡᓗ ᓱᓇᖃᓚᐅᕈᓐᓃᕐᑐᓂᒃ ᐱᕈᕐᕕᐅᓕᕐᑎᑦᓯᒃᑲᓐᓂᕋᒪ; ᐅᕙᖓ, ᐊᑕᓂ, ᐅᖃᕐᓯᒪᒐᒪ, ᑕᒪᓐᓇᓗ ᐱᓇᓱᐊᕐᓂᐊᕐᐸᕋ.