7 ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ.
ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”
ᔧᐹᔾᓕ ᐃᓴᕆᐊᓕᒥᐅᑦ ᒎᑎᖓᓄᑦ ᑐᒃᓯᐊᓚᐅᕐᐳᖅ ᐅᖃᕐᓗᓂ, “ᓮᒻᒪᕐᑎᓚᐅᓐᖓ ᓄᓇᖁᑎᒪᓗ ᑭᒡᓕᖓ ᐊᖏᒡᓕᒋᐊᕐᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ ᐅᕙᓐᓃᖁᓪᓗᒋᑦ, ᐃᓕᖕᓄᑦ ᓴᐳᑎᔭᐅᓯᒪᖁᓪᓗᖓ ᐊᑦᑕᕐᓇᕐᑐᓂᑦ ᓱᓇᑐᐃᓐᓇᓄᑦ ᐋᓐᓂᕐᑕᐅᖁᓇᖓ!” ᒎᑎᐅᓪᓗ ᑐᓂᓚᐅᕐᐹ ᐱᔪᒪᔭᖓᓂᒃ.
ᐊᑕᓂᐅᑉ ᓇᒡᓕᒋᔨᓕᒫᓂ ᓴᐳᑎᓯᒪᕔᑦ; ᐱᐅᖏᑦᑐᓕᒫᓪᓕ ᓄᖑᑎᓐᓂᐊᕐᐰᑦ.
ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.
ᐊᑕᓂᐅᑉ ᓴᐳᑎᓯᒪᓂᐊᕐᒪᒍ ᐆᒪᑎᓐᓂᐊᕐᓗᒍᓗ; ᓮᒻᒪᕐᑎᓐᓂᐊᕐᐹᓗ ᓄᓇᒥ; ᐊᑭᕋᕐᑐᕐᑎᖏᑕᓗ ᐃᓱᒪᒋᔭᖏᓐᓄᑦ ᑐᓂᓂᐊᓐᖏᓛ.
ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.
ᐃᓱᐊᕐᑐᑦ ᕿᒃᓵᖕᓇᕐᑐᓄᑦ ᓵᓚᐅᓂᐊᓐᖏᓚᑦ, ᐱᐅᖏᑦᑐᓪᓕ ᖃᓄᐃᓐᓇᕐᑐᓄᑦ ᐅᒋᐊᕐᑕᐅᓯᒪᓂᐊᕐᐳᑦ.
ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;
ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’
ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.
ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.