1 ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ.
ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.
“ᐊᑕᓂᖅ ᑐᒃᓯᐊᕐᕕᒋᕙᕋ ᐅᖁᒤᒃᓴᕐᓂᓐᓂᑦ, ᑭᐅᕚᖓᓗ; ᑐᖁᖓᔪᑦ ᐃᓂᖓᓐᓂᑦ ᑐᒃᓯᐊᕐᐳᖓ, ᓂᐱᓐᓂᒡᓗ ᑐᓴᕐᐳᖅ.
ᐊᒃᓱᕈᕕᒃᔪᐊᓕᕐᑎᓪᓗᖓ ᐊᑕᓂᖅ ᓂᓪᓕᐊᕕᒋᓚᐅᕐᐸᕋ: ᑕᕝᕙ ᐊᑕᓂᐅᑉ ᑭᐅᓚᐅᕐᐹᖓ ᕿᓚᕈᑦᔮᕐᓗᓂᖓᓗ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᐃᑎᓂᕐᒥᑦ ᓂᓪᓕᐊᕗᖓ ᐊᑕᓃᖅ ᐃᓕᖕᓄᑦ.
ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.
ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.
ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.
ᑕᕝᕙ ᐊᑕᓂᕐᒧᑦ ᓂᓪᓕᐊᓕᕐᐳᑦ ᐊᑲᐅᖏᑦᔪᑎᒋᔭᒥᖕᓂᑦ, ᑖᑦᓱᒪᓗ ᓴᐳᑎᕔᑦ ᐊᒃᓱᕈᕐᓂᖏᓐᓂᑦ ᐊᓂᑎᓪᓗᒋᑦ.
ᕾᒋᑦᓯ, ᐊᑕᓂᖅ ᓂᕐᑐᕐᓯᐅᒃ, ᑕᒪᑦᓯ ᐊᑕᓂᕐᒧᑦ ᐱᔨᐅᔪᓯ, ᐊᑕᓂᐅᑉ ᐃᒡᓗᖓᓂ ᐅᓐᓄᐊᒃᑯᑦ ᓇᖏᖃᑦᑕᕐᑐᓯᒍᑦ!
ᑕᑯᒋᑦ, ᐱᐅᔪᐊᓘᕗᖅ ᖁᕕᐊᓇᕐᑐᐊᓘᓪᓗᓂᓗ ᖃᑕᓐᖑᑎᒌᑦ ᑲᑎᖃᑎᒌᒃᑎᓪᓗᒋᑦ ᐊᑕᐅᓯᐅᖃᑎᒌᒃᓗᑎᒃ!
ᐊᑕᓃᖅ, ᑍᕕᑎ ᐃᖅᑲᐅᒪᒍᒃ, ᐅᖁᒤᑦᑐᒃᑰᕐᓂᕆᓚᐅᕐᑕᓕᒫᖏᓪᓗ;
ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.
ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓴᕆᐊᓕᑎᒃᑯᑦ ᒫᓐᓇ ᐅᖃᓕᕐᓕᑦ!
ᖁᕕᐊᓱᓚᐅᕐᐳᖓ ᐅᖃᐅᑎᔭᐅᒐᒪ, “ᐊᑕᓂᐅᑉ ᐃᒡᓗᖓᓄᑦ ᐃᑎᓚᐅᕐᑕ.”
ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?
ᑮᓁᑦ ᑕᓕᑎᓐᓂᐊᕐᓇᒍ ᐅᕙᓐᓂᑦ ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ! ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ; ᑐᓴᑲᐅᕐᑐᕐᓗᖓᓗ ᑐᒃᓯᐊᓕᕐᑎᓪᓗᖓ!
ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ, ᒫᓐᓇ ᐃᓴᕆᐊᓕᑎᒃᑯᑦ ᐅᖃᓕᕐᓕᑦ:
ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.
ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.
ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.
ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”
ᑐᒃᓯᐊᕐᕕᒋᓚᐅᕐᐸᕋ ᑖᑦᓱᒥᖓ ᓱᕈᓯᕐᒥᒃ; ᐊᑕᓂᐅᓪᓗ ᑐᓂᓚᐅᕐᐹᖓ ᕿᓄᑦᔪᑎᒋᓚᐅᕐᑕᓐᓂᒃ ᑖᑦᓱᒧᖓ.
ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”
ᐃᑎᓂᕐᔪᐊᒧᑦ ᐃᒋᓚᐅᕋᕕᖓ ᐃᒪᐅᑉ ᐃᑎᓂᖓᑕ ᐃᖅᑲᖓᓄᑦ, ᐃᒫᓘᓪᓗ ᐃᓗᒪᕚᖓ; ᐃᖏᐅᓕᖁᑎᓕᒫᕕᓪᓗ ᐃᖏᐅᓕᒡᕕᒋᓪᓗᖓ ᖃᓪᓕᕌᕐᐹᖓ.
