ᐃᓐᖏᕈᑎᑦ 119:97 - ᐊᒡᓔᑦ ᐃᑦᔪᕐᖕᓁᑦᑐᑦ

⁹⁷ ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.

ᐃᓐᖏᕈᑎᑦ 119:97 ပူးပေါင်းရင်းမြစ်များ

ᐃᓐᖏᕈᑎᑦ 1:2

ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.

ᐃᓐᖏᕈᑎᑦ 119:113

ᐃᓄᐃᑦ ᐃᓕᖕᓄᑦ ᒪᕐᕈᒍᓯᕐᑐᑦ ᖁᕕᐊᒋᓐᖏᓚᒃᑲ, ᐱᖁᔭᑎᓪᓕ ᐅᖓᒋᕙᒃᑲ.

ᐃᓐᖏᕈᑎᑦ 119:127

ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.

ᐃᓐᖏᕈᑎᑦ 119:15

ᑐᑭᓯᓇᓱᐊᕐᓂᐊᕐᐸᒃᑲ ᐃᒫᖎᓚᑦᔪᑎᒋᔭᑎᑦ, ᕿᒥᕐᕈᐊᑦᓯᐊᕐᓂᐊᕐᐸᒃᑲᓗ ᐱᓂᐊᕐᑕᐅᖁᔭᑎᑦ.

ᐃᓐᖏᕈᑎᑦ 119:159

ᑕᑯᓚᐅᕆᑦ ᐱᓇᓱᐊᕐᑕᐅᖁᔭᕐᓂᒃ ᐅᖓᒋᔭᖃᕐᓂᓐᓂᒃ! ᐊᑕᓃᖅ, ᐃᓅᓯᕋ ᓴᐳᑎᓚᐅᕈᒃ ᓇᒡᓕᒍᓱᖕᓂᕐᓄᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 119:165

ᐊᖏᔪᒥᒃ ᓮᒪᓂᖃᕐᐳᑦ ᐱᖁᔭᕐᓂᒃ ᐅᖓᒋᔭᖃᕐᑐᑦ; ᓱᓇᒧᓪᓘᓐᓃᑦ ᐹᓪᓚᒃᑎᑕᐅᓂᐊᕋᑎᒃ.

ᐃᓐᖏᕈᑎᑦ 119:167

ᑕᕐᓂᕐᒪ ᐃᓕᓮᑦᔪᑎᒋᔭᑎᑦ ᓈᓚᒃᐰᑦ; ᐊᖏᔪᕐᔪᐊᒥᒡᓗ ᑖᒃᑯᐊ ᐅᖓᒋᓪᓗᒋᑦ.

ᐃᓐᖏᕈᑎᑦ 119:47

ᐱᖁᔭᕐᐱᑦ ᖁᕕᐊᓇᕐᓂᖏᓐᓂᒃ ᖃᐅᔨᓯᒪᓕᕋᒪ, ᐊᓐᓂᕆᓕᕐᓗᒋᓪᓗ.

ᐃᓐᖏᕈᑎᑦ 119:48

ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ ᐱᖁᔭᑎᑦ ᐅᐱᒋᓗᒋᑦ, ᐊᓐᓂᕆᒐᒃᑭᑦ, ᐊᑐᕐᑕᐅᖁᔭᑎᓪᓗ ᐃᓱᒪᒃᓴᕐᓯᐅᕈᑎᒋᓂᐊᕐᐸᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:1

ᐱᖃᓐᓂᖏᑦᑐᖅ ᐃᒻᒥᓂᑐᐊᖅ ᐃᓱᒪᒋᕗᑦ, ᐊᖏᖃᑕᐅᔪᓐᓇᓐᖏᓚᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᑐᖃᕋᓗᐊᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:10

ᓯᓚᑐᓂᖅ ᑕᕝᕙ ᐆᒻᒪᑎᖕᓄᐊᕐᓂᐊᕐᐳᖅ, ᖃᐅᔨᒪᓂᕐᓗ ᑕᕐᓂᕐᓄᑦ ᖁᕕᐊᓇᕐᓂᐊᕐᐳᖅ,

ᒨᓯᓯ ᑕᓪᓕᒪᖏᑦ 17:19

ᑖᒃᑯᐊᓗ ᑍᒪᓐᖓᑦ ᓇᔪᕐᑎᒋᑦᓮᓐᓇᕆᐊᖃᕐᐰᑦ ᐅᖃᓕᒫᖃᑦᑕᕐᓗᓂᒋᓪᓗ ᐃᓅᓯᓕᒫᒥᓂ, ᐊᑕᓂᕐᒥᒃ ᒎᑎᒥᓂᒃ ᓯᕘᕋᒋᔭᖃᓕᖁᓪᓗᒍ, ᐱᖁᔧᑦ ᒪᓕᒐᒃᓮᓪᓗ ᐅᑯᐊ ᐅᖃᐅᓯᖏᓐᓂᒃ ᒪᓕᑦᓯᐊᕐᓂᕐᒥᓄᑦ, ᐊᑐᑦᓯᐊᕐᓗᒋᓪᓗ.

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.