94 ᐱᖁᑎᒋᒐᕕᖓ, ᐱᐅᓕᓚᐅᓐᖓ; ᐱᓇᓱᐊᕐᑕᐅᖁᔭᑎᑦ ᕿᓂᕐᓯᒪᒐᒃᑭᑦ.
ᐃᓕᖕᓄᑦ ᓂᓪᓕᐊᕗᖓ; ᐱᐅᓕᓚᐅᓐᖓ, ᐅᓐᓂᕐᓯᐅᑎᒋᔭᕐᓂᒃ ᓈᓚᒍᓐᓇᖁᓪᓗᖓ.
ᑐᒃᓯᐊᕐᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ; ᓴᐳᑎᓗᖓᓗ ᐅᖃᐅᓰᑦ ᒪᓕᒡᓗᒍ.
ᐊᒡᒐᒃᐱᑦ ᐊᑐᐃᓐᓇᐅᕕᒋᓕᖓ ᐃᑲᔪᕐᑕᐅᖁᓪᓗᖓ, ᐱᓇᓱᐊᕐᑕᐅᖁᔭᑎᑦ ᓂᕈᐊᕐᓯᒪᒐᒃᑭᑦ.
ᑐᑭᓯᑎᓚᐅᓐᖓ ᐱᓂᐊᕐᑕᐅᖁᔭᕕᑦ ᑐᑭᖏᓐᓂᒃ, ᑕᕝᕙ ᐃᓱᒪᒃᓴᕐᓯᐅᕈᑎᒋᓂᐊᕐᐸᒃᑲ ᑲᒪᓇᕐᑐᓕᓂᑎᑦ.
ᑕᑯᒋᑦ, ᐱᓂᐊᕐᑕᐅᖁᔭᕐᓂᒃ ᑲᔪᖏᕆᔭᖃᕐᐳᖓ; ᓇᓛᒎᕐᓂᕐᓄᑦ ᓄᑖᒥᒃ ᐃᓅᓯᕐᑖᕐᑎᓚᐅᓐᖓ.
ᕿᓚᕈᑦᔮᕐᑕᐅᓯᒪᓗᖓ ᐃᓅᓂᐊᕐᐳᖓ, ᐱᓂᐊᕐᑕᐅᖁᔭᕐᓂᒃ ᕿᓂᕐᓯᒪᒐᒪ.
ᐱᐅᓕᕐᓯᓂᖅ ᐊᑕᓂᐅᑉ ᐱᒋᕚ, ᓮᒻᒪᕐᑎᑦᓯᓃᓪᓗ ᐃᓄᖁᑎᖕᓃᑉᐳᖅ. ᓰᓚ
ᐃᓅᓯᕋ ᓴᐳᑎᓚᐅᕈᒃ, ᐃᑦᔪᕐᓁᓐᓇᒪ ᐃᕝᕕᑦ ᒎᑎᒋᒐᒃᑭᑦ; ᐱᔩᑦ ᐱᐅᓕᓚᐅᕈᒃ ᐃᓕᖕᓂᒃ ᑕᑎᖃᕐᒪᑦ.
ᓇᒡᓕᒋᔭᒪ ᐱᒋᕚᒐ, ᐱᒋᒋᓪᓗᒍᓗ; ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.
ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.
ᐃᓚᖓᑦ ᐅᖃᕈᒫᕐᐳᑦ, ‘ᐊᑕᓂᐅᑉ ᐱᒋᕚᖓ,’ ᐊᓯᐊᓗ ᔧᑰᑉ ᐊᑎᖓᓂᒃ ᐊᑎᖃᖃᑕᐅᓂᕋᕐᓗᓂ; ᐊᓯᐊᓗ ᑎᑎᕋᕈᒫᕐᐳᖅ, ‘ᐊᑕᓂᐅᑉ ᐱᖓ,’ ᐃᓴᕆᐊᓕᒥᐅᑕᐅᓂᕋᕐᓗᓂᓗ.
ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.
ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.
