86 ᐱᖁᔭᓕᒫᑎᑦ ᐅᒃᐱᕆᔭᒃᓴᐅᕗᑦ; ᓱᓕᖏᑦᑐᒧᓪᓕ ᐊᑭᕋᕐᑐᕐᐹᖓ; ᐃᑲᔪᓚᐅᓐᖓ!
ᐃᑲᔪᓚᐅᓐᖓ ᐊᑕᓃᖅ ᒎᑏ! ᐱᐅᓕᓚᐅᓐᖓ ᓇᒡᓕᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ!
ᑍᒤᒻᒪᑦ ᐱᓇᓱᐊᕐᑕᐅᖁᔭᑎᑦ ᓈᓚᒻᒪᕆᒃᐸᒃᑲ; ᐱᓂᐊᕐᓂᓕᒫᓪᓗ ᓱᓕᖏᑦᑐᑦ ᐱᐅᒋᓐᖏᓚᒃᑲ.
ᐃᓕᓮᑦᔪᑎᒋᓪᓗᒋᑦ ᐊᑐᕐᑕᐅᖁᓚᐅᕐᑕᑎᑦ, ᓈᒻᒪᓈᕐᓯᒪᑦᓯᐊᕐᐳᑦ ᓱᖁᓯᔪᐃᑦᑑᓪᓗᑎᒡᓗ.
ᐃᓱᐊᕐᓃᑦ ᐃᓱᖃᖏᑦᑐᒧᑦ ᐃᓱᐊᕐᓂᐅᕗᖅ, ᐱᖁᔭᑎᓪᓗ ᓱᓕᔫᓪᓗᑎᒃ.
ᐊᑕᓃᕐᓕ ᖃᓂᑦᑑᕗᑎᑦ, ᐱᖁᔭᑎᓪᓗ ᓱᓕᔪᐃᓐᓇᐅᓪᓗᑎᒃ.
ᐱᐅᔪᕆᔪᑦ ᑲᓐᖑᓱᒃᑎᑕᐅᓕᑦ, ᐱᑦᔪᑎᒃᓴᖃᕋᑎᒃ ᐅᕙᓐᓂᒃ ᓴᒡᓗᑦᔪᑎᖃᕐᓯᒪᖕᒪᑕ; ᐅᕙᖓᓕ ᐱᓂᐊᕐᑕᐅᖁᔭᑎᑦ ᐃᓱᒪᒃᓴᕐᓯᐅᕈᑎᒋᓂᐊᕐᐸᒃᑲ.
ᐊᑕᓃᖅ, ᓴᐳᑎᓚᐅᓐᖓ ᐊᑭᕋᕐᑐᕐᑎᓐᓂᑦ! ᐃᓕᖕᓄᑦ ᕿᒫᒐᒪ ᐃᔨᕐᓯᒪᑎᑕᐅᔪᒪᓪᓗᖓ.
ᐊᑕᓂᕐᒥᒃ ᓯᕘᕋᓂᖅ ᓴᓗᒪᑦᓯᐊᕐᐳᖅ, ᐃᓱᖃᖏᑦᑐᒧᑦ ᑲᔪᓯᔪᖅ. ᐊᑕᓂᐅᓪᓗ ᐃᖅᑲᕐᑐᐃᓂᖏᑦ ᓱᓕᑦᓯᐊᕐᐳᑦ ᑕᒪᕐᒥᒡᓗ ᐃᓱᐊᕐᑑᓪᓗᑎᒃ.
ᐱᑦᔪᑎᒋᓗᖓ ᖁᕕᐊᓲᑎᖃᕐᑎᑦᑍᓕᒃᑭᑦ ᐅᕙᓐᓂᒃ ᐱᑦᔪᑎᒃᓴᖃᕋᑎᒃ ᐊᑭᕋᕐᑐᕐᑐᑦ; ᐆᒥᓱᖕᓂᕐᒧᓪᓗ ᐃᔨᒥᖕᓂᒃ ᓯᑯᓐᖏᓪᓚᒃᑎᑦᑍᓕᒃᑭᑦ ᐅᕙᓐᓂᒃ ᐆᒥᓱᒃᑐᑦ ᓱᓇᐅᖏᑦᑐᒧᑦ.
ᐱᑦᔪᑎᖃᕋᑎᒃ ᓄᓗᐊᓂᒃ ᐃᔨᕐᓯᓯᒪᖕᒪᑕ ᐃᑎᕐᓴᒥ ᓄᓗᐊᕐᑎᑦᓱᒪᓪᓗᖓ, ᐱᑦᔪᑎᒃᓴᖃᕋᑎᒡᓗ ᐃᑎᕐᓴᓕᐅᓚᐅᕐᐳᑦ ᑐᖁᑦᓱᒪᓪᓗᖓ.
ᐊᑭᕋᕐᑐᕐᑎᒃᑲ ᐊᔪᖏᑦᑑᕗᑦ ᓴᓐᖏᔫᓪᓗᑎᒡᓗ; ᐅᕙᓐᓂᒡᓗ ᓱᓕᖏᑦᑐᒧᑦ ᐆᒥᓱᒃᑐᑦ ᐅᓄᕐᑐᐊᓘᓕᕐᐳᑦ.
ᐅᕙᖓᓕ ᐊᒃᓗᕗᖓ ᐊᔪᕐᓴᕐᓗᖓᓗ; ᒎᑏ, ᑐᐊᕕᕐᓗᑎᑦ ᐅᕙᓐᓄᑦ ᕾᓚᐅᕆ! ᐃᑲᔪᕐᑎᒋᒐᒃᑭᑦ ᓴᐳᑦᔨᔨᒋᓪᓗᑎᓪᓗ; ᐊᑕᓃᖅ, ᐃᑲᔪᕐᓇᓵᕐᑍᓕᓐᖓ!
ᐱᑦᓯᐊᕐᓂᖅ ᐱᐅᖏᑦᑐᒧᑦ ᐊᑭᓂᐊᕐᑕᐅᑦᔪᑎᖃᕐᑐᒃᓴᐅᕚ? ᑍᒤᑦᓴᕆᐊᖃᖏᒃᑲᓗᐊᕐᑎᓪᓗᒍ ᑕᑯᒋᑦ ᐃᑎᕐᓴᓕᐅᕆᕗᑦ ᐅᕙᓐᓂᒃ ᑐᖁᑦᓯᔪᒪᓪᓗᑎᒃ. ᐃᖅᑲᐅᒪᒋᑦ ᐅᖃᕐᕕᒋᓚᐅᕋᒃᑭᑦ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᓯᕈᕐᑕᐅᖁᓇᒋᑦ ᓂᓐᖓᐅᓯᕐᓄᑦ.
ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.
