62 ᐅᓐᓄᐊᒃᑯᑦ ᑐᐸᒐᒪ ᓂᕐᑐᓕᕐᐸᒋᑦ, ᐊᑐᕐᑕᐅᖁᔭᑎᑦ ᓈᒻᒪᓈᕐᑐᑦ ᐱᓪᓗᒋᑦ.
ᐊᖏᒻᒪᕆᒃᓗᖓ ᐅᖃᕐᓯᒪᕗᖓ ᐊᑐᕈᒪᓪᓗᖓ, ᓈᓚᒍᒪᓂᕋᕐᓗᖓ ᐊᑐᕐᑕᐅᖁᔭᕐᓂᒃ ᓇᓛᒎᕐᑐᓂᒃ.
ᐊᑕᓃᖅ ᐃᕝᕕᑦ ᓇᓛᒎᕐᐳᑎᑦ, ᐋᖅᑭᒃᓱᐃᓂᑎᓪᓗ ᓈᒻᒪᓈᕐᓯᒪᓪᓗᑎᒃ.
ᖃᐅᒻᒪᓚᐅᕐᑎᓐᓇᒍ ᒪᑭᓪᓗᖓ ᓂᓪᓕᐊᕕᒋᕙᒋᑦ ᐃᑲᔪᕐᑕᐅᔪᒪᓪᓗᖓ; ᐅᖃᐅᓯᕐᑎᑦ ᓂᕆᐅᒋᕙᒃᑲ.
ᐅᓪᓗᒥ ᐊᑕᐅᓯᕐᒥ 7ᐃᓱᕐᓗᖓ ᓂᕐᑐᖃᑦᑕᕐᐸᒋᑦ, ᐃᓱᐊᕐᓂᕐᓄᑦ ᐊᑦᔨᒌᒃᑎᑦᓯᓂᕆᔭᑎᑦ ᐱᓪᓗᒋᑦ.
ᓂᕐᑐᕐᓂᐊᕐᐸᒋᑦ ᐆᒻᒪᒻᒧᑦ ᓇᓛᒎᕐᑐᒧᑦ, ᖃᐅᔨᒍᒪ ᓇᓛᒎᕐᑐᒥᒃ ᒪᓕᒃᑕᐅᖁᔭᕐᓂᒃ.
ᐊᑕᓃᖅ, ᖃᐅᔨᒪᕗᖓ ᐋᖅᑭᒃᓱᐃᓃᑦ ᓈᒻᒪᓈᕐᓯᒪᖕᒪᑦ, ᓱᖁᓯᔪᐃᑦᑑᓂᕐᓄᑦ ᐋᓐᓂᐊᑎᑕᐅᓂᒃᑯᑦ ᐋᖅᑭᒋᐊᓚᐅᕋᕕᖓ.
ᐊᑕᓂᕐᒥᒃ ᓯᕘᕋᓂᖅ ᓴᓗᒪᑦᓯᐊᕐᐳᖅ, ᐃᓱᖃᖏᑦᑐᒧᑦ ᑲᔪᓯᔪᖅ. ᐊᑕᓂᐅᓪᓗ ᐃᖅᑲᕐᑐᐃᓂᖏᑦ ᓱᓕᑦᓯᐊᕐᐳᑦ ᑕᒪᕐᒥᒡᓗ ᐃᓱᐊᕐᑑᓪᓗᑎᒃ.
ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.
ᐅᓪᓛᒻᒪᕆᒃᑯᑦ ᖃᐅᒻᒪᓚᐅᕐᑎᓐᓇᒍ ᓱᓕ, ᔩᓱᓯ ᒪᑭᑉᐳᖅ ᐊᓂᓪᓗᓂ ᐃᒡᓗᒥᑦ ᐃᓄᖃᖏᑦᑐᒧᐊᕐᐳᖅ ᐃᓄᑑᓪᓗᓂ, ᑕᕝᕙᓂ ᑐᒃᓯᐊᕐᐳᖅ.
ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,
ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.
ᐃᓅᖃᑎᒌᒡᔪᐊᖑᔪᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᐱᖁᔭᖃᕐᑐᖃᓐᖏᓚᖅ ᐱᖁᔭᑦᑎᑐᑦ ᐋᖅᑭᑦᓯᐊᕐᓯᒪᑎᒋᔪᓂᒃ ᐅᓪᓗᒥ ᐃᓕᓯᓐᓄᒃ ᐊᔪᕆᕐᑐᐃᑦᔪᑎᒋᔭᑦᑐᑦ ᑍᒤᑦᑐᓂᒃ.
