53 ᐱᐅᖏᑦᑐᑦ ᐊᖏᔪᒥᒃ ᐃᓗᐃᓪᓕᕈᑎᒋᕙᒃᑲ, ᐱᖁᔭᕐᓂᒃ ᕿᒤᓯᒪᓂᖏᑦ ᐱᓪᓗᒋᑦ.
ᐄᓱᕋ ᑕᕝᕙᓐᖓᑦ ᑐᒃᓯᐊᕐᕕᒡᔪᐊᑉ ᓯᕗᕌᓂᑦ ᒪᑭᓪᓗᓂ, ᐂᓕᕐᐳᖅ ᔨᕼᐅᕼᐊᓇᒧᑦ ᐃᓔᐊᓯᐅᑉ ᐃᕐᓂᖓᓄᑦ ᐃᒡᓗᕈᓯᖓᓄᐊᕐᓗᓂᓗ, ᑕᕝᕙᓃᓕᕋᒥᓗ ᓂᕆᓚᐅᓐᖏᓚᖅ ᐃᒥᓚᐅᕋᓂᓗ, ᕿᒃᓵᒍᑎᖃᕐᓗᓂ ᐅᑎᓚᐅᕐᑐᐃᑦ ᐸᓯᔭᒃᓴᐅᓂᖏᑦ ᐱᓪᓗᒋᑦ.
ᖃᓄᕐᓕ ᑲᒪᖏᑦᑑᔭᕆᐊᖃᓕᕇᕆᕕᑖ ᐱᖁᔭᕐᓂᒃ ᐂᑉᐸᕐᑖᕐᓗᑕᓗ ᓇᕐᕈᓇᕐᓂᕋᕐᑕᐅᔪᓂᒃ ᐃᓅᓯᖃᕐᑐᓃᒃ? ᑍᒤᒃᑯᑦᑕᓗ, ᓂᓐᖓᖕᓂᕐᓄᑦ ᐊᓯᕈᕐᓂᐊᕐᐸᑦᑎᒍᑦ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑰᔪᒍᑦ ᐃᓅᔪᖃᕈᓐᓃᕐᑎᓪᓗᒍ.
ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.
ᓱᐊᓚᐅᕐᐸᒃᑲᓕ ᐅᖃᕐᓂᕐᓗᒡᕕᒋᓪᓗᒋᓪᓗ, ᐃᓚᖏᓪᓗ ᐋᓐᓂᕐᓯᓚᐅᕐᐸᒃᑲ ᓄᔮᕐᑐᕐᓗᒋᓪᓗ; ᐊᖏᒻᒪᕆᒃᑎᓚᐅᕐᐸᒃᑲ ᒎᑎᐅᑉ ᐊᑎᖓᓂ, ᐅᖃᐅᑎᓪᓗᒋᓪᓗ, “ᐸᓂᓯ ᑐᓂᔭᒃᓴᕆᓐᖏᓚᓯ ᑍᒃᑯᐊ ᐃᕐᓂᖏᓐᓄᑦ, ᐅᕝᕙᓗ ᑍᒃᑯᐊ ᐸᓂᖏᓐᓂᒃ ᑎᒍᓯᔪᒃᓴᐅᓐᖏᓚᓯ ᐃᕐᓂᑦᓯᓐᓄᑦ, ᓇᖕᒥᓂᑦᓯᓐᓄᓪᓘᓐᓃᑦ.
ᐊᒃᓱᐊᓗᒃ ᓂᓐᖓᓚᐅᕐᐳᖓ, ᓈᒻᒪᒃᓴᖏᓐᓂᖏᑦ ᐅᖃᐅᓯᕆᔭᖏᓪᓗ ᑐᓴᕋᒃᑭᑦ.
ᖁᕝᕕᐅᕐᓂᕐᒧᑦ ᐃᔩᒃᑲᒃ ᑯᕕᑐᐃᓐᓇᓕᕐᐴᒃ, ᐱᖁᔭᕐᓂᒃ ᓈᓚᖏᑦᑐᑦ ᐱᑦᔪᑎᒋᓪᓗᒋᑦ.
ᓯᓔᕐᕆᒃᓯᔩᑦ ᑕᑯᓐᓇᓕᕋᒃᑭᑦ ᕿᒃᓵᓕᕐᐳᖓ; ᐅᖃᐅᓯᕐᑎᑦ ᓈᓚᖏᒻᒪᒋᑦ.
ᕿᑐᕐᖓᖏᑕ ᐱᖁᔭᒃᑲ ᕿᒪᒃᐸᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᖏᑉᐸᑕ.
ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.
ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!
ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.
ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.
ᑕᒪᑐᒥᖓ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᒫᓐᓇᓕ ᐅᖃᐅᓯᕆᒃᑲᓐᓂᕐᐸᕋ ᖁᕝᕕᐅᕐᓗᖓ, ᐅᓄᕐᒪᑕ ᐃᓅᓯᕐᒥᒍᑦ ᐊᑭᕋᕐᑐᕐᑐᑦ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᖓᓂᒃ.
