47 ᐱᖁᔭᕐᐱᑦ ᖁᕕᐊᓇᕐᓂᖏᓐᓂᒃ ᖃᐅᔨᓯᒪᓕᕋᒪ, ᐊᓐᓂᕆᓕᕐᓗᒋᓪᓗ.
ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ.
ᐃᓄᐃᑦ ᐃᓕᖕᓄᑦ ᒪᕐᕈᒍᓯᕐᑐᑦ ᖁᕕᐊᒋᓐᖏᓚᒃᑲ, ᐱᖁᔭᑎᓪᓕ ᐅᖓᒋᕙᒃᑲ.
ᐱᐅᖏᑦᑐᓕᒫᑦ ᓄᓇᒦᑦᑐᑦ ᐱᐅᖏᓐᓂᕐᓗᑯᑎᑐᑦ ᑍᒤᑎᑉᐸᑎᑦ; ᑍᒤᒻᒪᑦ ᐃᓕᓮᑦᔪᑎᑎᑦ ᐅᖓᒋᕙᒃᑲ.
ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.
ᐅᖃᐅᓰᑦ ᐃᓚᓯᒪᖏᑦᓯᐊᕐᒪᑦ, ᑍᒤᒻᒪᑦ ᐱᔨᕕᑦ ᐅᖓᒋᕔᑦ.
ᑕᑯᓚᐅᕆᑦ ᐱᓇᓱᐊᕐᑕᐅᖁᔭᕐᓂᒃ ᐅᖓᒋᔭᖃᕐᓂᓐᓂᒃ! ᐊᑕᓃᖅ, ᐃᓅᓯᕋ ᓴᐳᑎᓚᐅᕈᒃ ᓇᒡᓕᒍᓱᖕᓂᕐᓄᑦ ᐃᓱᖃᖏᑦᑐᒧᑦ.
ᐊᑐᕐᑕᐅᖁᔭᑎᑦ ᖁᕕᐊᒋᕙᒃᑲ; ᐅᖃᐅᓯᕐᑎᑦ ᐳᐃᒍᕐᓂᐊᓐᖏᓚᒃᑲ.
ᓴᒡᓗᓂᖅ ᐆᒥᒋᕙᕋ ᓇᕐᕈᒋᓪᓗᒍᓗ, ᐱᖁᔭᑎᓪᓕ ᐅᖓᒋᕙᒃᑲ.
ᑕᕐᓂᕐᒪ ᐃᓕᓮᑦᔪᑎᒋᔭᑎᑦ ᓈᓚᒃᐰᑦ; ᐊᖏᔪᕐᔪᐊᒥᒡᓗ ᑖᒃᑯᐊ ᐅᖓᒋᓪᓗᒋᑦ.
ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.
ᐃᓛᒃ ᐃᓕᓮᑦᔪᑎᒋᔭᑎᑦ ᖁᕕᐊᒋᕙᒃᑲ, ᐃᓱᒪᑖᕐᑎᑦᓯᔨᒋᖃᑦᑕᕐᓗᒋᓪᓗ.
ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ ᐱᖁᔭᑎᑦ ᐅᐱᒋᓗᒋᑦ, ᐊᓐᓂᕆᒐᒃᑭᑦ, ᐊᑐᕐᑕᐅᖁᔭᑎᓪᓗ ᐃᓱᒪᒃᓴᕐᓯᐅᕈᑎᒋᓂᐊᕐᐸᒃᑲ.
ᐃᓛᒃ, ᐱᖁᔭᑎᑦ ᐊᖏᔪᒥᒃ ᐅᖓᒋᕙᒃᑲ! ᐅᓪᓗᓕᒫᖅ ᐃᓱᒪᒃᓴᕐᓯᐅᕈᑎᒋᖃᑦᑕᕐᐸᒃᑲ.
ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.
ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.
ᐱᓂᐊᕈᒪᓐᖏᑕᓐᓂᒡᓕ ᐱᓂᐊᕈᒪ, ᑕᕝᕙ ᐊᖏᕐᐳᖓ ᐱᖁᔭᖅ ᐱᐅᓂᕋᕐᓗᒍ.
ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.
ᐃᓱᒪᖃᕆᑦᓯ, ᔩᓱᓯ ᙭ᔅᑑᓯᐅᑉ ᐃᓱᒪᖃᕐᓂᖓᑐᑦ.
ᑕᒪᑐᒧᖓ ᕾᖁᔭᐅᓯᒪᒐᑦᓯ, ᙭ᔅᑑᓯᑦᑕᐅᖅ ᐋᓐᓂᐊᓚᐅᕐᒪᑦ ᐱᑦᔪᑎᒋᓪᓗᓯ, ᒪᓕᒐᒃᓴᑦᓯᓐᓂᒃ ᕿᒤᓚᐅᕐᒪᑦ, ᒪᓕᖁᓪᓗᓯ ᑖᑦᓱᒪ ᑐᒥᖏᓐᓂᒃ.
