45 ᕿᓚᕈᑦᔮᕐᑕᐅᓯᒪᓗᖓ ᐃᓅᓂᐊᕐᐳᖓ, ᐱᓂᐊᕐᑕᐅᖁᔭᕐᓂᒃ ᕿᓂᕐᓯᒪᒐᒪ.
ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.
ᐅᓐᓄᐊᓕᒫᖅ ᓇᓪᓚᖓᓪᓗᖓ ᓯᑯᓐᖏᓚᐅᓐᖏᓚᖓ, ᐅᖃᐅᓯᕐᓂᒃ ᐃᓱᒪᒃᓴᕐᓯᐅᕈᑎᖃᕐᓗᖓ.
ᐅᖃᐅᓯᕐᑎᑦ ᖁᕕᐊᓲᑎᒋᕙᒃᑲ, ᐱᖁᑎᕐᔪᐊᕌᓗᖕᓂᒃ ᓇᓂᓯᔪᑎᑐᑦ.
ᓄᓇᒥ ᓂᐅᕐᕈᐊᖑᑐᐃᓐᓇᕋᒪ; ᐱᖁᔭᑎᑦ ᐃᔨᕐᓯᒪᓂᐊᕐᓇᒋᑦ ᐅᕙᓐᓄᑦ.
ᑐᑭᓯᕚᓪᓕᕐᑎᒃᑯᕕᖓ ᐆᒻᒪᑎᒃᑯᑦ ᑕᕝᕙ ᐱᖁᔭᑎᑦ ᑲᑦᓱᖎᒻᒪᕆᒡᓗᖓ ᐱᓇᓱᐊᕐᓂᐊᕐᐸᒃᑲ.
ᐅᕙᓐᓄᑦ ᐱᐅᔫᕗᖅ ᐋᓐᓂᐊᑎᑕᐅᓯᒪᓂᕋ, ᐃᓕᑦᓯᔪᓐᓇᕐᓯᑎᑕᐅᓯᒪᒐᒪ ᐊᑐᕐᑕᐅᖁᔭᕐᓂᒃ.
ᐱᖁᑎᒋᒐᕕᖓ, ᐱᐅᓕᓚᐅᓐᖓ; ᐱᓇᓱᐊᕐᑕᐅᖁᔭᑎᑦ ᕿᓂᕐᓯᒪᒐᒃᑭᑦ.
ᐱᖃᓐᓂᖏᑦᑐᖅ ᐃᒻᒥᓂᑐᐊᖅ ᐃᓱᒪᒋᕗᑦ, ᐊᖏᖃᑕᐅᔪᓐᓇᓐᖏᓚᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᑐᖃᕋᓗᐊᕐᒪᑦ.
ᐱᓱᓕᕈᕕᑦ ᐊᖅᑯᑎᒋᔭᒃᑯᑦ ᐊᒡᕕᐊᕐᑕᐅᓂᐊᓐᖏᓚᑎᑦ, ᐅᓪᓚᒃᓯᒍᕕᓪᓗ ᐹᓪᓚᖕᓂᐊᓐᖏᓚᑎᑦ.
ᐃᓕᓐᓂᐊᓚᐅᕐᐳᖓ, ᕿᓂᕐᓗᖓᓗ ᓄᓇᒦᑦᑐᓕᒫᓂᒃ; ᑐᑭᓯᕗᖓ ᒎᑎᐅᑉ ᐃᓄᐃᑦ ᐅᖁᒤᑦᑐᓂᒃ ᑐᓂᓯᕕᒋᖕᒪᒋᑦ!
“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,
ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;
ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.
ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.
ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ.
ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.
