ᐃᓐᖏᕈᑎᑦ 119:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:34 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 119:10

ᐆᒻᒪᒻᒧᑦ ᐃᓗᖏᕐᓱᕐᓗᖓ ᕿᓂᓚᐅᕐᐸᒋᑦ; ᑍᒤᒻᒪᑦ ᐱᖁᔭᕐᓂᒃ ᕿᒤᑎᑦᑍᓕᓐᖓ.

ᐃᓐᖏᕈᑎᑦ 119:100

ᑐᑭᓯᓯᒪᓂᕐᓴᐅᓕᕐᐳᖓ ᐃᓄᑐᖃᐅᔪᓂᑦ, ᐱᓇᓱᐊᕐᑕᐅᖁᔭᑎᑦ ᓈᓚᒐᒃᑭᑦ.

ᐃᓐᖏᕈᑎᑦ 119:104

ᐱᓇᓱᐊᕐᑕᐅᖁᔭᕐᓄᑦ ᖃᐅᔨᒪᑎᑕᐅᓕᕐᐳᖓ; ᑍᒤᒻᒪᑦ ᓱᓕᖏᑦᑐᓕᒫᓂᒃ ᐱᐅᒃᓴᓐᖏᓚᖓ.

ᐃᓐᖏᕈᑎᑦ 119:125

ᐱᔨᒋᒐᕕᖓ; ᑐᑭᓯᑎᓚᐅᓐᖓ, ᐃᓕᓮᑦᔪᑎᒋᔭᕐᓂᒃ ᖃᐅᔨᒪᔪᓐᓇᖁᓪᓗᖓ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:144

ᐃᓕᓮᑦᔪᑎᑎᑦ ᐃᓱᐊᕐᓂᐅᕗᑦ ᐃᓱᖃᖏᑦᑐᒧᑦ; ᑖᒃᑯᓂᖓ ᑐᑭᓯᑎᓚᐅᓐᖓ, ᑕᕝᕙ ᐃᓅᓂᐊᕐᐳᖓ.

ᐃᓐᖏᕈᑎᑦ 119:169

ᐊᑕᓃᖅ, ᓂᓪᓕᐊᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ; ᑐᑭᓯᑎᓚᐅᓐᖓ ᐅᖃᐅᓯᕐᑎᑦ ᒪᓕᒡᓗᒋᑦ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:58

ᐱᕕᓕᒫᓐᓄᑦ ᐃᓕᖕᓄᑦ ᐃᓱᐊᕆᔭᐅᔪᒪᓪᓗᖓ ᕿᓄᕗᖓ, ᓂᑲᒋᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.

ᐃᓐᖏᕈᑎᑦ 119:66

ᐊᔪᕆᕐᑐᓚᐅᓐᖓ ᐃᓅᖃᑎᓐᓄᑦ ᓈᒻᒪᓈᕐᓯᒪᔪᒥᒃ ᑕᑯᓐᓇᕐᓂᕐᒥᒃ ᖃᐅᔨᒪᑦᓯᐊᕐᓂᕐᒥᒡᓗ, ᐱᖁᔭᑎᑦ ᐅᒃᐱᕆᒐᒃᑭᑦ.

ᐃᓐᖏᕈᑎᑦ 119:69

ᐱᐅᔪᕆᔪᑦ ᓱᓕᓇᑎᒃ ᐅᕙᓐᓂᒃ ᐅᖃᐅᓯᖃᕐᐳᑦ, ᐆᒻᒪᒻᒧᓪᓕ ᓱᓕᔪᒧᑦ ᐱᓂᐊᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᐃᓐᖏᕈᑎᑦ 39:2

ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ, ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ; ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:19

ᑍᒤᒻᒪᑦ, ᓇᓪᓕᐊᑦ ᐱᖁᔧᑦ ᒥᑭᓐᓂᕐᐹᖓᓂᒡᓘᓐᓃᑦ ᐊᑐᖏᑦᑐᖅ, ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᖏᓐᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ; ᑍᒫᒃᑕᐅᖅ ᓇᓪᓕᐊᑦ ᐱᖁᔭᓂᒃ ᐊᑐᕐᑐᖅ ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ.

ᒫᑎᐅᓯᐅᑉ ᐊᒡᓚᖏᑦ 7:24

“ᑍᒤᒻᒪᑦ, ᓇᓪᓕᐊᑦ ᐅᖃᐅᓯᕆᔭᓐᓂᒃ ᑐᓴᕐᑐᖅ, ᐊᑐᕐᓗᒋᓪᓗ, ᑖᓐᓇ ᐊᑦᔨᐅᕗᖅ ᐊᖑᒻᒧᑦ ᓯᓚᑐᔪᒧᑦ ᕾᕐᑐᒥ ᐃᒡᓗᓕᐅᕐᑐᒧᑦ;

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᔧᒥᓯᐅᑉ ᐊᒡᓚᖏᑦ 1:25

ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.