28 ᑕᕐᓂᕋ ᐃᓱᒪᔮᕐᓂᕐᒧᑦ ᐊᐅᓕᕐᐳᖅ; ᓲᖑᓯᑎᓚᐅᓐᖓ ᐅᖃᐅᓯᕐᑎᑦ ᒪᓕᒡᓗᒋᑦ.
ᑕᕝᕙ ᖁᒻᒧᐊᒃᑎᑕᐅᕗᑦ ᕿᓚᖕᒧᑦ, ᐊᒻᒪ ᑲᑕᓕᕆᕗᑦ ᐃᑎᓂᕐᒧᑦ: ᑕᕝᕙ ᑕᕐᓂᖏᑦ ᐊᐅᒃᑎᑕᐅᓕᕐᐳᑦ ᓇᖏᐊᕐᓂᕐᒧᑦ.
ᐃᑲᔪᕐᑎᒃᓴᒥᒡᓗ ᑎᓕᓯᕕᒋᓕᑎᑦ ᐃᑦᔪᕐᓁᑦᑐᕕᖁᑎᒥᓂᑦ, ᐱᔪᓐᓇᕐᓂᖃᕐᑎᓪᓕᑎᓪᓗ ᓮᐅᓂᒥᑦ ᐱᔪᒥᒃ.
ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;
ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!
ᐊᑕᓂᐅᑉ ᐃᓄᖁᑎᓂ ᑐᓂᓯᕕᒋᓂᐊᕐᐰᑦ ᓴᓐᖏᓂᕐᒥᒃ; ᐊᑕᓂᐅᓪᓗ ᐃᓄᖁᑎᓂ ᓮᒻᒪᕐᑎᓐᓂᐊᕐᐰᑦ ᓮᓕᓇᕐᑐᒥᒃ.
ᐱᔪᓐᓇᕐᓂᕐᑖᕐᑎᑦᓯᕙᒃᑐᖅ ᓄᑮᕈᑎᔪᓂᒃ, ᐱᔪᓐᓇᕐᓂᖃᕈᓐᓃᕐᑐᓂᒡᓗ ᓄᑭᒃᑖᕐᑎᑦᓯᕙᒃᑐᖅ.
ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.
ᓄᑭᖃᕐᑎᑦᓱᒪᕙᒃᑲ ᐊᑕᓂᕐᒥ; ᐱᓱᒍᒫᕐᐳᑦ ᑖᑦᓱᒪ ᐊᑎᖓᓂ.” ᑍᒫᒃ ᐊᑕᓂᖅ ᐅᖃᕐᐳᖅ.
ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,
ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ, ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”
ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.
ᑐᓴᑐᐊᕋᑦᑕᓗ ᑲᑉᐱᐊᓱᓕᓚᐅᕐᐳᒍᑦ, ᓴᐱᓕᕐᓗᑎᒡᓗ ᐊᖑᑎᓕᒫᑦ ᐃᓕᑦᓯᓐᓂᒃ; ᐊᑕᓂᖅ ᒎᑎᓯ ᒎᑎᐅᖕᒪᑦ ᕿᓚᖕᒥᐅᓄᑦ ᓄᓇᕐᔪᐊᕐᒥᐅᓄᓪᓗ.
ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”
ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.
