25 ᑕᕐᓂᕋ ᐅᕐᕈᖓᕗᖅ ᓴᓂᕐᓂ; ᒪᑭᑎᒃᑲᓐᓂᓚᐅᓐᖓ ᐅᖃᐅᓯᕐᑎᑦ ᒪᓕᒡᓗᒋᑦ.
ᐊᖏᔪᒥᒃ ᐋᓐᓂᐊᓇᕐᑐᒦᑉᐳᖓ; ᐊᑕᓃᖅ, ᒪᑭᑎᒃᑲᓐᓂᓚᐅᓐᖓ, ᐅᖃᐅᓯᕐᑎᑦ ᒪᓕᒡᓗᒋᑦ!
ᐊᑕᓃᖅ ᓂᐱᒐ ᑐᓴᓚᐅᕈᒃ ᓇᒡᓕᒍᓱᖕᓂᕐᓄᑦ ᐃᓱᖃᖏᑦᑐᒧᑦ, ᐃᓱᐊᕐᑑᓃᑦ ᒪᓕᒡᓗᒍ ᐃᓅᓯᕋ ᒪᑭᑎᒃᑲᓐᓂᓚᐅᕈᒃ.
ᐊᑕᓃᖅ, ᓂᑲᒍᓱᖕᓃᑦ ᐊᖏᔪᕐᔪᐊᖑᕗᖅ; ᐃᓅᓯᕐᑖᕐᑎᓚᐅᓐᖓ ᐊᑦᔨᒌᒃᑎᑦᓯᓃᑦ ᒪᓕᒡᓗᒍ.
ᑕᑯᓚᐅᕆᑦ ᐱᓇᓱᐊᕐᑕᐅᖁᔭᕐᓂᒃ ᐅᖓᒋᔭᖃᕐᓂᓐᓂᒃ! ᐊᑕᓃᖅ, ᐃᓅᓯᕋ ᓴᐳᑎᓚᐅᕈᒃ ᓇᒡᓕᒍᓱᖕᓂᕐᓄᑦ ᐃᓱᖃᖏᑦᑐᒧᑦ.
ᐃᔩᒃᑲᒃ ᑲᒪᒋᒃᑭᒃ ᐊᑑᑎᖃᖏᑦᑐᓂᒃ ᑕᑯᓐᓇᖁᓇᒋᒃ; ᐃᓅᓯᖃᕐᑎᓐᖓ ᐃᓅᓯᐅᖁᔭᕐᓂᒃ.
ᑕᑯᒋᑦ, ᐱᓂᐊᕐᑕᐅᖁᔭᕐᓂᒃ ᑲᔪᖏᕆᔭᖃᕐᐳᖓ; ᓇᓛᒎᕐᓂᕐᓄᑦ ᓄᑖᒥᒃ ᐃᓅᓯᕐᑖᕐᑎᓚᐅᓐᖓ.
ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᐃᓅᓯᕋ ᓴᐳᑎᓚᐅᕈᒃ; ᖃᓂᕐᐱᑦ ᐅᖃᐅᓯᕆᔭᖏᓐᓂᒃ ᓈᓚᒍᓐᓇᖁᓪᓗᖓ.
ᐱᓇᓱᐊᕐᑕᐅᖁᔭᑎᑦ ᐳᐃᒍᓚᐅᕐᓯᒪᓂᐊᓐᖏᓚᒃᑲ; ᑖᒃᑯᑎᒎᓇᖅ ᐅᕙᓐᓂᒃ ᐃᓅᓯᕐᑖᕐᑎᑦᓯᓯᒪᒐᕕᑦ.
ᐊᑕᓃᖅ, ᐊᑏᑦ ᐱᑦᔪᑎᒋᓗᒍ, ᐃᓅᓯᕋ ᓴᐳᑎᓚᐅᕈᒃ! ᐃᓱᐊᕐᓂᕐᓄᑦ ᑕᕐᓂᕋ ᐊᑲᐅᖏᑦᔪᑎᖃᕐᓂᕐᒥᑦ ᐊᓂᑎᓚᐅᕈᒃ!
ᓄᑭᒃᑲ ᐸᓂᕐᓯᒪᕗᑦ ᓄᓇᑐᑦ ᐸᓐᓇᕆᒃᑐᑐᑦ, ᐅᖃᕋᓗ ᓂᐱᑉᐳᖅ ᐊᒡᓕᕈᓐᓄᑦ; ᐃᓕᕙᕐᒪᓗ ᑐᖂᑉ ᐳᔪᕐᓗᖓᓄᑦ.
ᑕᕐᓂᕗᑦ ᐅᑯᖓᕗᑦ ᓄᓇᒧᑦ; ᑎᒥᕗᓪᓗ ᑐᓐᖓᕗᑦ ᒪᓂᖅᑲᒧᑦ.
ᒪᑭᓕᕆᑦ ᐃᑲᔪᕐᓗᑕᓗ, ᐅᑎᕐᑎᓚᐅᕐᑎᒍᑦ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ.
ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.
ᑕᕝᕙ ᐃᓕᖕᓂᒃ ᑐᓄᐃᓂᐊᓐᖏᓚᒍᑦ; ᐃᓅᑎᓚᐅᕐᑎᒍᑦ, ᑕᕝᕙ ᐊᑏᑦ ᓂᕐᑐᕐᓂᐊᕐᐸᕗᑦ.
ᐊᒪᕈᖅ ᓰᐱᐅᓪᓗ ᓄᕐᕋᖓ ᓂᕆᓇᓱᖃᑎᒌᒍᒫᕐᐴᒃ, ᓛᔭᓗ ᐃᕕᒃᓱᒐᕐᓂᒃ ᓂᕿᖃᕈᒫᕐᐳᖅ ᐃᒻᒧᒃᓯᐅᒐᕐᑎᑐᑦ; ᖁᒡᓗᒋᐊᓪᓕ ᓄᓇᐅᑉ ᐳᔪᕋᖓᓂᒃ ᓂᕆᔭᒃᓴᖃᕈᒫᕐᐳᑦ, ᐋᓐᓂᖃᑦᑕᐅᑎᔪᒫᓐᖏᓚᑦ ᑐᖁᕋᐅᑎᓇᑎᒡᓗ ᐃᓘᓐᓇᑎᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.” ᐊᑕᓂᖅ ᑍᒪᒃ ᐅᖃᕐᐳᖅ.
ᔩᓱᓯᐅᑉ ᐲᑦᑐᕉᓯ ᓵᓪᖢᒍ ᐅᖃᐅᑎᕚ, “ᓵᑖᓇᓰ, ᑐᓄᓐᓅᐊᕆᑦ! ᐊᑐᕆᐊᖃᕐᑕᓐᓂᒃ ᐊᒡᕕᐊᕋᓱᐊᕋᕕᑦ; ᑕᒪᓐᓇ ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᑐᐃᓐᓇᕐᒥᓪᓕ ᐱᕗᖅ!”
ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.
ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.
ᐹᓃᑦᑐᑦ ᐱᓇᓱᐊᕐᓯᒋᑦ, ᓄᓇᒦᑦᑐᑦ ᐱᓇᒋᑦ.
