174 ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.
ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.
ᑍᒫᒃ ᒎᑎᐅᑉ ᑭᖑᕚᒃᑲ ᓮᒻᒪᕐᑎᑦᓱᒫᕐᐰᑦ, ᑍᒫᒃ ᐃᓱᖃᖏᑦᑐᒧᑦ ᐊᖏᕐᕕᒋᓯᒪᖕᒪᖓ, ᐱᖁᔨᑦᔪᑎᖓ ᑕᒤᑎᒍᑦ ᓱᖁᓯᔪᐃᑦᑑᕗᖅ. ᑕᒪᓐᓇ ᐱᕙᓪᓕᐊᑎᓯᒪᓐᖏᓚᐅᒃ ᐃᑲᔪᕐᑕᐅᓂᓕᒫᒃᑲ ᐱᔪᒪᔭᕆᔭᒃᑲᓗ?
ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.
ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.
ᐊᑐᕐᑕᐅᖁᔭᑎᑦ ᖁᕕᐊᒋᕙᒃᑲ; ᐅᖃᐅᓯᕐᑎᑦ ᐳᐃᒍᕐᓂᐊᓐᖏᓚᒃᑲ.
ᐅᖃᐅᓯᕐᑎᑦ ᖁᕕᐊᓲᑎᒋᕙᒃᑲ, ᐱᖁᑎᕐᔪᐊᕌᓗᖕᓂᒃ ᓇᓂᓯᔪᑎᑐᑦ.
ᐃᓛᒃ ᐃᓕᓮᑦᔪᑎᒋᔭᑎᑦ ᖁᕕᐊᒋᕙᒃᑲ, ᐃᓱᒪᑖᕐᑎᑦᓯᔨᒋᖃᑦᑕᕐᓗᒋᓪᓗ.
ᐊᑕᓃᖅ, ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᐅᕙᓐᓄᑦ ᑎᑭᐅᑎᑎᓚᐅᕈᒃ, ᐱᐅᓕᒃᓯᓃᓪᓗ ᐅᖃᐅᓯᕐᑎᑦ ᒪᓕᒡᓗᒋᑦ.
ᐱᖁᔭᕐᐱᑦ ᖁᕕᐊᓇᕐᓂᖏᓐᓂᒃ ᖃᐅᔨᓯᒪᓕᕋᒪ, ᐊᓐᓂᕆᓕᕐᓗᒋᓪᓗ.
ᓂᑲᒍᓱᖕᓃᑦ ᐅᕙᓐᓄᑦ ᑎᑭᐅᑎᓚᐅᕐᓕ, ᐃᓅᔪᓐᓇᖁᓪᓗᖓ; ᐱᖁᔭᑎᑦ ᖁᕕᐊᓲᑎᒋᒐᒃᑭᑦ.
ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᓂᕆᐅᖕᓂᕐᒥᒃ ᑭᖑᕙᕆᐊᕐᑎᑦᓯᓂᖅ ᐆᒻᒪᑎᒧᑦ ᖃᓂᒪᓇᕐᑐᒥᒃ ᐱᑎᑦᓯᕗᖅ, ᓂᕆᐅᒋᔭᒥᓄᓪᓕ ᑎᑭᐅᑎᓂᖅ ᓇᐹᕐᑑᕗᖅ ᐃᓅᓯᕐᑕᓕᒃ.
ᔨᕉᓴᓕᒥᐅᑦ ᐸᓂᖏᑦ, ᐊᖏᒻᒪᕆᖁᕙᑦᓯ, ᓇᒡᓕᒋᔨᒐ ᓇᓂᒍᑦᓯᐅᒃ, ᐅᖃᐅᑎᔪᒫᕐᐸᓯ ᐅᖓᓂᕐᒧᒡᒎᕐᖎ ᑭᐱᓕᕋᒪ.
ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;
