17 ᐱᔩᑦ ᓇᔪᕐᓗᒍ ᐱᑦᓯᐊᕐᕕᒋᒍᒃ, ᐃᓅᖁᓪᓗᖓ, ᒪᓕᑦᓯᐊᖁᓪᓗᖓᓗ ᐅᖃᐅᓯᕐᓂᒃ.
ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.
ᒪᑭᑕᑎᓚᐅᓐᖓ ᐊᖏᕐᓯᒪᓂᕆᔧᑦ ᒪᓕᒡᓗᒍ, ᐃᓅᔪᓐᓇᖁᓪᓗᖓ, ᓂᕆᐅᖕᓂᖃᕐᓂᕋ ᑲᓐᖑᓲᑎᒃᓴᐅᓕᖁᓇᒍ.
ᐱᔩᑦ ᐱᓇᓱᐊᕐᕕᒋᓚᐅᕈᒃ ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ, ᐊᔪᕆᕐᑐᓚᐅᓐᖓᓗ ᐊᑐᕐᑕᐅᖁᔭᕐᓂᒃ.
ᐅᕙᓐᓄᑦ ᑕᑯᓴᕐᓗᑎᑦ, ᓂᑲᒋᓚᐅᓐᖓ, ᑍᒫᓪᓗᐊᖅ ᐱᓂᐊᕐᕕᒋᕙᒃᑲᕕᒋᑦ ᐃᓕᖕᓂᒃ ᐅᖓᒋᔭᖃᕐᑐᑦ.
ᐃᓕᓮᑦᔪᑎᑎᑦ ᐃᓱᐊᕐᓂᐅᕗᑦ ᐃᓱᖃᖏᑦᑐᒧᑦ; ᑖᒃᑯᓂᖓ ᑐᑭᓯᑎᓚᐅᓐᖓ, ᑕᕝᕙ ᐃᓅᓂᐊᕐᐳᖓ.
ᑕᕐᓂᕋ ᐃᓅᓕ, ᐃᓕᖕᓂᒃ ᓂᕐᑐᐃᔪᓐᓇᖁᓪᓗᖓ; ᐋᖅᑭᒃᓱᐃᓂᕐᓄᓪᓗ ᐃᑲᔪᕐᓗᖓ.
ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.
ᐊᑕᓃᖅ, ᐱᔩᑦ ᐱᓇᓱᐊᑦᓯᐊᕐᕕᒋᓯᒪᕙᑦ, ᐅᖃᐅᓯᕐᑎᑦ ᐊᖏᕈᑎᒋᓯᒪᔭᑎᑦ ᒪᓕᒡᓗᒋᑦ.
ᓂᑲᒍᓱᖕᓃᑦ ᐅᕙᓐᓄᑦ ᑎᑭᐅᑎᓚᐅᕐᓕ, ᐃᓅᔪᓐᓇᖁᓪᓗᖓ; ᐱᖁᔭᑎᑦ ᖁᕕᐊᓲᑎᒋᒐᒃᑭᑦ.
ᐊᑕᓂᖅ ᐃᓐᖏᕐᕕᒋᔪᒪᕙᕋ, ᐅᕙᓐᓄᑦ ᐱᑦᓯᐊᕐᓯᒪᖕᒪᑦ ᐊᖏᔪᒥᒃ.
ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.
ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.
ᒎᑎᒪᓗ ᑐᓂᓯᕕᒋᓂᐊᕐᐹᓯ ᑭᓐᖒᒪᒋᔭᓕᒫᑦᓯᓐᓂᒃ ᐊᔪᕐᓴᓐᖏᕐᑐᔪᐊᖑᓂᕐᒥᓂᑦ ᐱᓐᓇᕐᓇᕐᑐᕐᔪᐊᒥᑦ ᙭ᔅᑑᓯ ᔩᓱᓯᒥ.
ᖃᐅᔨᒪᒍᑦᓯ ᑭᓇᒧᓪᓘᓐᓃᑦ ᐃᓗᐊᕐᑑᓂᖓᓂᒃ, ᑕᕝᕙ ᖃᐅᔨᒪᒋᕗᓯ ᑭᒃᑯᓕᒫᑦ ᐃᓗᐊᕐᑐᒥᒃ ᐱᓇᓱᐊᕐᑐᑦ ᑖᑦᓱᒪᖓᑦ ᐃᕐᓂᐊᖑᓯᒪᖕᒪᑕ.
