ᐃᓐᖏᕈᑎᑦ 119:165 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶⁵ ᐊᖏᔪᒥᒃ ᓮᒪᓂᖃᕐᐳᑦ ᐱᖁᔭᕐᓂᒃ ᐅᖓᒋᔭᖃᕐᑐᑦ; ᓱᓇᒧᓪᓘᓐᓃᑦ ᐹᓪᓚᒃᑎᑕᐅᓂᐊᕋᑎᒃ.

ᐃᓐᖏᕈᑎᑦ 119:165 ပူးပေါင်းရင်းမြစ်များ

ᐃᓐᖏᕈᑎᑦ 119:56

ᑕᒪᓐᓇ ᖁᕕᐊᓇᕐᑐᕐᓯᐊᕆᓯᒪᕙᕋ, ᐱᓂᐊᕐᑕᐅᖁᔭᕐᓂᒃ ᓈᓚᖕᓂᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:17

ᐱᓂᐊᕐᓂᖏᑦ ᓮᒪᓇᕐᑐᒥᒃ ᐱᓂᐊᕐᓂᐅᕗᑦ, ᐊᖅᑯᓯᓂᖏᓪᓗ ᓮᓕᓇᕐᑑᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:23

ᑕᕝᕙ ᐊᑦᑕᕐᓇᖏᑦᑐᒃᑯᑦ ᐱᓱᖕᓂᐊᕐᐳᑎᑦ ᐃᑎᒐᑎᓪᓗ ᖁᐂᔭᕿᓐᓂᐊᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 26:3

ᐊᑕᓃᖅ ᓮᒪᓇᕐᑐᒦᑦᓮᓐᓇᕐᑎᑦᓯᕗᑎᑦ, ᓱᖁᓯᔪᐃᑦᑑᓪᓗᑎᒃ ᐃᓱᒪᖏᑦ ᐃᓕᖕᓃᑦᓮᓐᓇᕐᑐᓂᒃ, ᐃᓕᖕᓂᒃ ᑕᑎᖃᕐᓂᕐᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 28:13

ᑕᕝᕙ ᐊᑕᓂᐅᑉ ᐊᔪᕆᕐᑐᕈᒪᓕᕐᐹᓯ ᑎᑎᕅᑦ ᐊᑕᐅᓯᐅᓈᕐᑕᕐᓗᒋᑦ, ᐅᖃᕐᓯᒪᓂᖏᓪᓗ ᐃᓛᒃᑰᕐᑎᕐᓗᒋᑦ, ᐊᔪᕆᕐᑐᐃᑦᔪᑎᒃᓴᓪᓗ ᐃᓛᒃᑰᕐᓯᒪᓂᖏᑦ ᒪᓕᒡᓗᒋᑦ. ᑍᒫᒃ ᑕᕝᕙ ᐅᕈᔮᕐᓂᐊᕐᐳᓯ ᐊᓪᓗᑐᐊᕅᒍᑦᓯ, ᐃᑭᓕᕐᑕᐅᓂᐊᕐᐳᓯ, ᐊᔪᕐᓯᑎᑕᐅᓗᓯᓗ, ᑎᒍᔭᐅᓗᓯᓗ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 32:17

ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᐂᓮᐊᓯᐅᑉ ᐊᒡᓚᖏᑦ 57:21

ᓮᓕᑦᓯᐊᕐᓇᕐᑐᒥᒃ ᐱᑕᖃᓐᖏᓚᖅ, ᐱᐅᖏᑦᑐᒥᒃ ᐃᓕᖅᑯᓯᖃᕐᑐᓄᑦ, ᒎᑎᒐ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 13:21

ᑭᓯᐊᓂᓕ ᐃᑎᔪᒥᒃ ᑐᓐᖓᕕᒃᑖᕐᑎᑦᓯᖏᓐᓇᒥᒃ ᐊᑯᓂᐅᖏᑦᑐᖅ ᓄᖅᑲᕐᐳᑦ, ᖁᕕᐊᓇᖏᑦᑐᓄᑦ ᐅᕝᕙᓗ ᐊᑭᕋᕐᑐᕐᑕᐅᓂᕐᒧᑦ ᑎᑭᑕᐅᓕᕋᒥᒃ, ᑖᒃᑯᐊ ᐅᖃᐅᓰᑦ ᐱᓪᓗᒋᑦ, ᑕᕝᕔᓐᓇᖅ ᓴᐱᓕᑲᐅᑎᒋᕗᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᐱᓕᐱᒥᐅᓄᑦ 4:7

ᒎᑎᐅᑉ ᓮᒻᒪᕐᑎᑦᓯᓂᖓᑕ, ᑐᑭᓯᔭᐅᔪᓐᓇᕐᑐᓂᑦ ᐊᖏᓂᕐᓴᐅᔫᑉ, ᐆᒻᒪᑎᓯ ᐃᓱᒪᓯᓗ ᓴᐳᑎᓯᒪᓂᐊᕐᐰᑦ ᙭ᔅᑑᓯ ᔩᓱᓯᒥ.

ᔪᐊᓇᓯ ᓯᕗᓪᓖᑦ 2:10

ᓇᓪᓕᐊᑦ ᐃᓅᖃᑎᒥᓂᒃ ᓇᒡᓕᒍᓱᒃᑐᖅ ᑖᓐᓇ ᖃᐅᒪᔪᒦᑉᐳᖅ, ᑕᕝᕙᓂᓗ ᐃᓅᖃᑎᒥᓄᑦ ᐊᒡᕕᐊᕈᑎᒃᓴᐅᓇᓂ.