150 ᐊᑭᕋᕐᑐᕐᑎᒃᑲ ᐅᕙᓐᓄᑦ ᑎᑭᓕᕐᐳᑦ ᐱᐅᖏᑦᑐᒥᒃ ᒪᓕᒐᖃᕐᑐᑦ; ᐱᖁᔭᕐᓂᒡᓗ ᒪᓕᒐᑎᒃ.
ᕼᐅᓮ ᐅᖃᕆᐊᓪᓚᒃᐳᖅ, “ᑐᐊᕕᕐᓗᓯ ᒫᓐᓇ! ᐅᖃᕆᐊᕐᑐᕐᑎᑦᓯᓕᕆᑦᓯᒃ ᑍᕕᑎᒧᑦ ᓯᓂᒃᑕᖁᓇᒍ ᑰᑉ ᐃᑳᕐᕕᖓᓂ ᐃᓄᖃᔪᐃᑦᑐᒥ, ᐃᑳᖔᖁᓪᓗᒋᓪᓕ ᔫᐊᕐᑕᓂᐅᑉ ᑰᖓᓂᒃ ᒫᓐᓇᑦᓴᐅᑎᒋᒃᑯᑦ, ᐊᖓᔪᖅᑳᕐᔪᐊᖅ ᐃᓄᖁᑎᓕᒫᖏᓪᓗ ᐊᖑᔭᐅᖁᓇᒋᑦ ᑐᖁᑕᐅᖁᓇᒋᓪᓗ.”
ᒎᑎᒧᓪᓗ ᐅᖃᕐᐸᒃᐳᑦ, ‘ᑲᒪᒋᓐᖏᓚᐅᕐᑎᒍᑦ! ᐊᖅᑯᓯᓂᕆᔭᕐᓂᒃ ᖃᐅᔨᔪᒪᓐᖏᓚᒍᑦ.
ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;
ᐱᐅᖏᑦᑐᓕᔪᑦ ᕾᓕᕐᐸᑕ ᐅᕙᓐᓂᒃ ᐊᑭᕋᕐᑐᕈᒪᓗᑎᒃ ᐅᕕᓂᒐ ᓂᕆᔪᒪᓗᒍ, ᐊᑭᕋᕐᑐᕐᑎᒃᑲ ᐅᓇᖕᒥᔨᒃᑲᓗ ᐅᐸᒃᑐᕐᐸᑕ, ᑕᕝᕙ ᐹᓪᓚᒃᐳᑦ ᐅᕐᕈᓪᓗᑎᒡᓗ.
ᓇᓗᓇᖏᒻᒪᑦ ᐃᓕᓐᓂᐊᕐᑎᑦᓯᑦᔪᑎᒃᑲ ᐆᒥᒋᒐᑦᓯᐅᒃ ᐅᖃᐅᓯᒃᑲᓗ ᑐᓄᑦᓯᓐᓄᑦ ᐱᑎᒃᑲᑦᓯᐅᒃ.
ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.
ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.
ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.
ᖃᓕᖑᐊᕐᐸᒡᓗᑕᓗ ᑕᒪᑦᑕ ᓇᓄᕐᑎᑐᑦ; ᓂᐹᕗᒍᑦ ᑎᖕᒥᐊᑎᑐᑦ ᑑᕕᑎᑐᑦ ᓂᓪᓕᐊᕌᕐᔪᑐᐃᓐᓇᕐᓗᑕ; ᐊᑦᔨᒌᒃᑎᑦᓯᓂᖅ ᕿᓂᕋᓗᐊᕋᑦᑎᒍ ᐱᑕᖃᓐᖏᓚᖅ; ᐱᐅᓕᔭᐅᓂᖅ ᐅᕙᑦᑎᓐᓂᑦ ᐅᖓᓯᒃᑑᕗᖅ.
ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.
ᔫᓇᑕᓂᓗ ᓴᐅᓕᐅᑉ ᐃᕐᓂᖓ, ᒪᑭᑉᐳᖅ ᑍᕕᑎᒧᓪᓗ ᐂᕗᖅ ᕼᐅᕆᔅᒧᑦ, ᓲᖑᓯᑎᒋᐊᓪᓚᒃᐹᓗ ᒎᑎᒥ.