131 ᖃᓂᕋ ᐂᑦᑕᕐᐸᕋ ᐃᒥᕈᖕᓂᕐᒧᑦ, ᐱᖁᔭᑎᑦ ᑲᔪᖏᕐᕕᒋᒐᒃᑭᑦ.
ᐅᕙᓐᓂᒃ ᐅᑕᖅᑭᕙᓚᐅᕐᐳᑦ ᐱᕈᕐᓰᕕᓕᕆᔨᑎᑐᑦ; ᐅᐱᕐᖔᒃᑯᑦ ᓯᓚᓗᖕᒥᒃ ᐃᒥᕐᑐᑎᑐᑦ ᑐᓐᖓᓱᒃᑎᑦᓯᓪᓗᑎᒃ.
ᓯᐊᓛᕆᔭᐅᔪᑐᑦ ᑖᓪᓕᓂᐅᑉ ᓂᒡᓚᑖᕐᓇᕐᑑᑉ ᓴᓂᐊᓃᑦᓱᒪᔪᑎᑐᑦ, ᐱᓇᓱᐊᕐᑎᑕᐅᔪᑎᑐᓪᓗ ᐊᑭᓕᕐᑕᐅᓂᐊᕐᓂᕐᒥᓂᒃ ᐅᑕᖅᑭᔪᑎᑐᑦ,
ᐅᖃᐅᓯᕐᑎᑦ ᖁᕕᐊᓲᑎᒋᕙᒃᑲ, ᐱᖁᑎᕐᔪᐊᕌᓗᖕᓂᒃ ᓇᓂᓯᔪᑎᑐᑦ.
ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.
ᑕᕐᓂᕋ ᓯᖁᒥᓯᒪᕗᖅ ᕿᓚᓈᕐᓂᕐᒧᑦ ᒪᓕᒃᑕᐅᖁᔭᕐᓂᒃ ᑐᑭᓯᕙᓪᓕᐊᔪᒪᓪᓗᖓ ᑍᒪᓐᖓᓕᒫᖅ.
ᑕᑯᒋᑦ, ᐱᓂᐊᕐᑕᐅᖁᔭᕐᓂᒃ ᑲᔪᖏᕆᔭᖃᕐᐳᖓ; ᓇᓛᒎᕐᓂᕐᓄᑦ ᓄᑖᒥᒃ ᐃᓅᓯᕐᑖᕐᑎᓚᐅᓐᖓ.
ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.
ᐅᕙᖓ ᐊᑕᓂᐅᕗᖓ ᒎᑏᑦ, ᐃᓕᖕᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐄᑦᔨᑉᑎᒥᑦ; ᐂᑦᑕᕖᓐᖓᓚᐅᕆᑦ, ᑕᕝᕙ ᖃᓃᑦ ᑕᑕᑎᓐᓂᐊᕐᐸᕋ.
ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.
ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,
