ᐃᓐᖏᕈᑎᑦ 119:130 - ᐊᒡᓔᑦ ᐃᑦᔪᕐᖕᓁᑦᑐᑦ

¹³⁰ ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:130 ပူးပေါင်းရင်းမြစ်များ

ᐃᓐᖏᕈᑎᑦ 119:105

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᐃᓐᖏᕈᑎᑦ 119:34

ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 19:8

ᐊᑕᓂᐅᑉ ᒪᓕᒐᒃᓴᐅᖁᔭᖏᑦ ᑕᒻᒪᓐᖏᓚᑦ, ᐆᒻᒪᑎᒥᒃ ᖁᕕᐊᓱᒃᑎᑦᓯᔪᑦ; ᐊᑕᓂᐅᓪᓗ ᐱᖁᔭᖏᑦ ᐃᓚᒃᑲᓐᓂᖃᓐᖏᓚᑦ, ᐃᔩᖕᓂᒃ ᖃᐅᒻᒪᒃᑎᑦᓯᔪᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:4

ᖃᐅᔨᓯᒪᖏᑦᑑᒐᓗᐊᒥᒃ ᐊᔪᕈᓐᓃᕐᑎᑦᓯᔪᓐᓇᕐᐳᑦ ᓯᓚᑐᓕᕐᑎᑦᓯᓗᑎᒃ, ᐃᓅᓱᒃᑐᓂᒡᓗ ᐊᔪᕆᕐᑐᐃᔪᓐᓇᕐᐳᑦ ᐊᑐᕐᓇᕐᑐᓂᒃ ᐱᓇᓱᐊᕈᓐᓇᕐᓯᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᐲᑦᑐᕉᓯ ᐂᑉᐸᖏᑦ 1:19

ᓇᓚᐅᑦᑍᑦᔪᑕᐅᓯᒪᔪᑦ ᓇᓚᐅᑦᓯᑎᑕᐅᓂᖏᑦ ᓇᓗᓇᕈᓐᓃᑲᓐᓂᓚᐅᕐᐳᑦ. ᓈᓚᑦᓯᐊᕈᑦᓯᐅᒃ ᑕᒪᓐᓇ ᐊᑲᐅᔪᒥᒃ ᐱᓂᐊᕐᐳᓯ ᓲᕐᓗ ᖃᐅᒻᒪᖅᑯᑎᑐᑦ ᑖᕐᑐᒥ ᐃᑯᒪᔪᑎᑐᑦ, ᖃᐅᓕᓵᕐᑐᕐᓯᐅᑦ ᐅᓪᓗᕆᐊᖅ ᓴᖅᑭᓂᐊᕐᐳᖅ ᐆᒻᒪᑎᑦᓯᓐᓂ.