127 ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.
ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.
ᐱᖁᔭᕐᐱᑦ ᖁᕕᐊᓇᕐᓂᖏᓐᓂᒃ ᖃᐅᔨᓯᒪᓕᕋᒪ, ᐊᓐᓂᕆᓕᕐᓗᒋᓪᓗ.
ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.
ᐱᔪᒥᓇᕐᓂᕐᓴᐅᕗᑦ ᒎᓗᒥᑦ, ᐊᒡᓛᑦ, ᒎᓗᒥᑦ ᐱᐅᓂᕐᐹᒥᑦ; ᕼᐊᓂᒥᑦ ᓰᕐᓇᕐᓂᕐᓴᐅᔪᖅ, ᐃᒍᑦᓴᐅᓪᓗ ᐃᕙᕕᐊᓂᑦ ᐱᓯᒪᔪᒥᑦ ᕼᐊᓂᒥᑦ.
ᓯᓚᑐᓂᕐᑖᕐᓂᑦ ᐱᐅᓂᕐᓴᐅᕗᖅ ᒎᓗᒥᒃ ᐱᑖᕐᓂᕐᒥᑦ, ᑐᑭᓯᔪᓐᓇᕐᓯᓂᖅ ᓂᕈᐊᕆᔭᒃᓴᐅᓂᕐᓴᐅᕗᖅ ᓯᐅᓪᕕᕆᒥᑦ.
ᓯᓚᑐᓂᖅ ᐱᐅᓂᕐᓴᐅᕗᖅ ᐱᖁᑎᓂᑦ ᐱᐅᓴᐅᑎᓂᑦ; ᐱᔪᒪᔭᓕᒫᕐᓂᒡᓗ ᐊᑦᔨᖃᕈᓐᓇᕋᓂ.
ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,