ᐃᓐᖏᕈᑎᑦ 119:111 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹¹ ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.

ᐃᓐᖏᕈᑎᑦ 119:111 ပူးပေါင်းရင်းမြစ်များ

ᐃᓐᖏᕈᑎᑦ 119:127

ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.

ᐃᓐᖏᕈᑎᑦ 119:14

ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.

ᐃᓐᖏᕈᑎᑦ 119:162

ᐅᖃᐅᓯᕐᑎᑦ ᖁᕕᐊᓲᑎᒋᕙᒃᑲ, ᐱᖁᑎᕐᔪᐊᕌᓗᖕᓂᒃ ᓇᓂᓯᔪᑎᑐᑦ.

ᐃᓐᖏᕈᑎᑦ 119:174

ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.

ᐃᓐᖏᕈᑎᑦ 119:74

ᐃᓕᖕᓂᒃ ᓯᕘᕋᔪᑦ ᖁᕕᐊᓱᖕᓂᐊᕐᐳᑦ ᐅᕙᓐᓂᒃ ᑕᑯᒍᑎᒃ, ᐅᖃᐅᓯᕐᓂᒃ ᓂᕆᐅᒋᔭᖃᕐᓂᕋ ᐱᑦᔪᑎᒋᓗᒍ.

ᐃᓐᖏᕈᑎᑦ 119:92

ᐱᖁᔭᑎᑦ ᖁᕕᐊᓱᓕᕐᑎᑕᐅᑦᔪᑎᒋᓚᐅᖏᒃᑯᒃᑭᑦ, ᐊᓯᐅᑎᑕᐅᓯᒪᓕᕋᔭᓚᐅᕐᐳᖓ ᐅᖁᒤᒃᓴᕐᑎᑕᐅᓂᒃᑰᓕᕐᑎᓪᓗᖓ.

ᐃᓐᖏᕈᑎᑦ 16:5

ᐊᑕᓃᖅ ᑐᓂᕙᕐᒪ ᐱᔭᕆᐊᖃᕐᑕᓐᓂᒃ, ᐃᒥᐅᑎᒋᓂᐊᕐᑕᓐᓂᒡᓗ; ᓇᓚᐅᑦᑖᕈᓪᓗ ᐃᓂᒋᔭᕋ ᓴᐳᑎᓯᒪᕙᑦ.

ᐃᓐᖏᕈᑎᑦ 19:8

ᐊᑕᓂᐅᑉ ᒪᓕᒐᒃᓴᐅᖁᔭᖏᑦ ᑕᒻᒪᓐᖏᓚᑦ, ᐆᒻᒪᑎᒥᒃ ᖁᕕᐊᓱᒃᑎᑦᓯᔪᑦ; ᐊᑕᓂᐅᓪᓗ ᐱᖁᔭᖏᑦ ᐃᓚᒃᑲᓐᓂᖃᓐᖏᓚᑦ, ᐃᔩᖕᓂᒃ ᖃᐅᒻᒪᒃᑎᑦᓯᔪᑦ;

ᐃᓐᖏᕈᑎᑦ 19:9

ᐊᑕᓂᕐᒥᒃ ᓯᕘᕋᓂᖅ ᓴᓗᒪᑦᓯᐊᕐᐳᖅ, ᐃᓱᖃᖏᑦᑐᒧᑦ ᑲᔪᓯᔪᖅ. ᐊᑕᓂᐅᓪᓗ ᐃᖅᑲᕐᑐᐃᓂᖏᑦ ᓱᓕᑦᓯᐊᕐᐳᑦ ᑕᒪᕐᒥᒡᓗ ᐃᓱᐊᕐᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᒨᓯᓯ ᑕᓪᓕᒪᖏᑦ 33:4

ᒨᓯᓯᐅᑉ ᒪᓕᖁᓚᐅᕐᒪᑎᒍᑦ ᐱᖁᔭᓂᒃ, ᐱᓪᓚᕆᐅᓂᕐᐹᕆᔭᐅᔪᓂᒃ ᔧᑰᑉ ᑲᑎᒪᔪᖁᑎᖏᓐᓄᑦ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᐲᑦᑐᕉᓯ ᓯᕗᓪᓖᑦ 1:4

ᑭᖑᕐᖑᑦᔨᖁᓪᓗᑕ ᐊᓯᕈᔪᐃᑦᑐᒥᒃ, ᐃᑦᔪᕐᓁᑦᑐᒥᒃ, ᑐᖁᓕᔪᐃᑦᑐᒥᒡᓗ, ᕿᓚᖕᒥ ᐅᑕᖅᑭᑎᑕᐅᔪᓂᒃ ᐃᓕᑦᓯᓐᓄᑦ,

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,