ᐃᓐᖏᕈᑎᑦ 116:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

ᐃᓐᖏᕈᑎᑦ 116:17 ပူးပေါင်းရင်းမြစ်များ

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 116:13

ᐃᒥᐅᑦ ᐱᐅᓕᔭᐅᓂᐅᑉ ᓇᓗᓁᒃᑯᑕᖓ ᐃᓴᐅᑎᓂᐊᕐᐸᕋ ᑖᑦᓱᒧᖓ, ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᒋᓂᐊᕐᐸᕋ.

ᐃᓐᖏᕈᑎᑦ 50:14

ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᒨᓯᓯ ᐱᖓᔪᖏᑦ 7:12

ᐃᓄᒃ ᑐᓂᕐᕈᑎᖃᕐᐸᑦ ᖁᔭᓕᔪᒪᓂᕐᒧᑦ, ᑐᓂᕐᕈᓯᕆᐊᓪᓚᒍᒪᒃᐸᓪᓗ ᖁᔭᓕᑦᔪᑎᒃᓴᒥᒃ ᑐᓂᓯᔪᒃᓴᐅᕗᖅ ᓂᐊᖂᔭᕐᒥᒃ ᐆᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᕐᓱᒥᒡᓗ ᐃᓚᓯᒪᔪᒥᒃ, ᓯᕙᓕᐊᕆᓯᒪᔪᓪᓗ ᐳᕙᓪᓚᕐᓴᐅᑎᖃᖏᓪᓗᑎᒃ ᐅᕐᓱᒥᒃ ᒥᖑᐊᕐᓯᒪᓗᑎᒃ, ᓂᐊᖂᔭᕐᓗ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᕐᒥᒃ ᐅᐊᕈᑦᓯᕐᓯᒪᔪᒃᓴᐅᕗᖅ ᐅᕐᓱᒥᒃ ᐃᓚᖃᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 2:42

ᑖᒃᑯᐊ ᐃᓕᓐᓂᐊᖃᑦᑕᓕᓚᐅᕐᐳᑦ ᐋᐴᓯᑕᓕᖕᓂᑦ ᐃᓚᒌᑦᓯᐊᕐᓗᑎᒃ, ᓂᕆᖃᑎᒌᓗᑎᒃ ᑐᒃᓯᐊᖃᑎᒌᖃᑦᑕᕐᓗᑎᒡᓗ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.