14 ᐊᑕᓂᐅᑉ ᐃᓄᒋᐊᒃᓯᕙᓪᓕᐊᑎᓪᓕᓯ, ᐃᓕᑦᓯ ᑭᖑᕚᓯᓗ.
ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!
“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.
ᔪᐊᐱᓕ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᐊᖓᔪᖅᑳᕐᔪᐊᖅ, ᐊᑕᓂᐅᑉ ᒎᑎᕕᑦ ᐃᓴᕆᐊᓕᒥᐅᑦ ᐃᓄᖏᑦ ᐅᓄᕐᓯᒋᐊᕐᑎᓪᓕᒋᑦ 100ᐃᕐᓱᕐᓗᒋᑦ, ᐃᓅᓗᑎᑦ ᓱᓕ ᑕᑯᖁᓪᓗᑎᑦ; ᓱᖕᒪᓪᓕ ᐊᖓᔪᖅᑳᕐᔪᐊᕋ ᑍᒤᓕᐅᖁᔨᕚ?”
ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.
ᐃᒫᒃ ᐊᑕᓂᖅ ᒎᑎ ᐅᖃᕐᒪᑦ, ᑖᓐᓇ ᑲᑎᕐᓱᐃᔪᖅ ᐃᓴᕆᐊᓕᒥᐅᑦ ᐊᓂᑎᓯᒪᔭᖏᓐᓂᒃ, “ᑲᑎᕐᓱᐃᕕᒋᔪᒫᕆᕙᒃᑲ ᑲᑎᕐᓱᕐᑕᐅᓯᒪᓕᕇᕐᑐᑦ ᐊᓯᖏᓐᓂᒃ.”
ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.
ᕿᓚᖕᒥᐅᒐᓴᒡᔪᐃᑦ ᓈᓴᒐᒃᓴᐅᖏᒻᒪᑕ ᓯᐅᕅᓪᓗ ᓯᒡᔭᒦᑦᑐᑦ ᓈᓴᕐᑕᐅᔪᓐᓇᕋᑎᒃ, ᑍᒫᒃᑕᐅᖅ ᑍᕕᑎᐅᑉ ᐱᔨᒪ, ᓕᕔᑎᓪᓗ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᐅᕙᓐᓄᑦ ᐅᓄᕐᓯᑎᑦᓱᒫᕐᐸᒃᑲ.”
ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”
ᐅᕕᓐᖏᐊᕐᕕᒋᔪᒫᕐᐸᒃᑲ, ᑲᑎᑎᓪᓗᒋᓪᓗ ᐱᐅᓕᔪᒫᕋᒃᑭᑦ: ᐅᓄᕐᓯᕙᓪᓕᐊᔪᒫᕐᐳᑦ ᑍᒫᒃ ᐅᓄᕐᑎᒋᕙᓚᐅᕐᓂᖏᑎᑐᑦ.
ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”
ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’
ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ!
ᑐᓴᕐᐳᖓᓗ ᒎᑎᐅᑉ ᓇᕿᑦᔪᑎᖓᓂᒃ ᓇᕿᑦᔪᓯᕐᑕᐅᔪᑦ ᖃᐅᖏᑎᒍᑦ ᐅᓄᕐᓂᖏᓐᓂᒃ, 144,000ᓂᒃ ᐅᓄᕐᓂᖃᕐᐳᑦ, ᐃᓴᕆᐊᓕᒥᐅᑦ ᑭᖑᕚᕇᖏᓐᓂᑦ ᐊᑐᓂᑦ ᐱᓯᒪᔪᑦ 12ᓂᑦ.
ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.
