7 ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;
ᕿᓚᐅᑉ ᓱᑲᖏᑦ ᓴᔪᒃᐱᓗᒃᐳᑦ, ᖁᐊᕐᓵᕐᓗᑎᒡᓗ ᑖᑦᓱᒪ ᓱᐊᖕᓂᖓᓄᑦ.
ᓄᓇᒥᒃ ᓴᔪᒃᐱᓗᒃᑎᑦᓯᓲᖑᕗᖅ ᐊᐅᓚᑎᓪᓗᓂᐅᒃ, ᓄᓇᐅᓪᓗ ᓱᑲᖏᑦ ᐊᐅᓚᑎᓲᕆᓪᓗᓂᒋᑦ;
ᓄᓇᕐᔪᐊᖅ ᑕᑯᓴᕐᒪᒍ, ᑕᕝᕙ ᓴᔪᒃᐱᓗᓕᕐᐳᖅ, ᖃᖅᑬᑦ ᐊᒃᑐᕐᒪᒋᑦ ᑕᕝᕙ ᐳᔫᓕᕐᐳᑦ.
ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ; ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ; ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.
ᕾᕐᑐᒥᑦ ᑰᓕᕐᑎᓚᐅᕆᕚ, ᐃᒪᕐᓗ ᑰᓕᓚᐅᕐᐳᖅ ᑰᒃᑎᑐᑦ.
ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᓐᓂᐅᑉ ᐱᐅᔫᓂᖓᒍᑦ; ᓄᓇᕐᔪᐊᕐᒥᐅᓕᒫᑦ ᑖᑦᓱᒥᖓ ᓯᕘᕋᔪᒃᓴᐅᕗᑦ!
ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.
