ᐃᓐᖏᕈᑎᑦ 112:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐱᐅᖏᑦᑐᓂᒃ ᑐᓴᕐᑎᑕᐅᒐᓗᐊᕈᓂ ᓯᕘᕋᓂᐊᓐᖏᓚᖅ; ᑖᑦᓱᒪ ᐆᒻᒪᑎᖓ ᐊᐅᓚᖏᑦᑐᒦᒻᒪᑦ, ᐊᑕᓂᕐᒥᒃ ᑕᑎᖃᕐᓗᓂ.

ᐃᓐᖏᕈᑎᑦ 112:7 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 11:15

ᑕᕝᕙ ᒪᑭᑕᑦᓯᐊᕈᓐᓇᕐᓯᓂᐊᕆᕗᑎᑦ ᑲᓐᖑᓲᑎᖃᖏᓪᓗᑎᑦ, ᒪᕐᕈᒍᓯᖏᑦᓯᐊᕐᓗᑎᑦ, ᓯᕘᕋᖏᓪᓗᑎᓪᓗ.

ᐃᓐᖏᕈᑎᑦ 118:6

ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?

ᐃᓐᖏᕈᑎᑦ 34:4

ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 49:6

ᐊᔪᕐᓴᖏᓐᓂᕐᒥᖕᓂᒃ ᑕᑎᖃᕐᑐᑦ ᐃᓄᒋᐊᒃᑐᓂᓗ ᐊᒃᓗᐃᓐᓂᕐᒥᖕᓂᒃ ᐱᐅᔪᕆᑦᔪᑎᖃᕐᑐᑦ.

ᐃᓐᖏᕈᑎᑦ 57:7

ᐆᒻᒪᑎᒐ ᑲᔪᓰᓐᓇᕐᐳᖅ, ᒎᑏ, ᐆᒻᒪᑎᒐ ᑲᔪᓰᓐᓇᕐᐳᖅ! ᐃᓐᖏᕐᓂᐊᕐᐳᖓ ᓂᑦᔭᐅᓯᔭᕐᓗᖓᓗ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᐃᓐᖏᕈᑎᑦ 64:10

ᐃᓱᐊᕐᑐᓪᓕ ᖁᕕᐊᓲᑎᖃᕐᓕᑦ ᐊᑕᓂᕐᒥᒃ, ᕿᒫᕝᕕᒋᓗᒍᓗ! ᐃᓅᑦᓯᐊᕋᓱᒃᑐᓕᒫᑦ ᐆᒻᒪᑎᒥᒍᑦ ᓂᕐᑐᐃᓕᕐᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:33

ᓇᓪᓕᐊᓪᓕ ᐅᕙᓐᓂᒃ ᓈᓚᒃᑐᖅ ᐃᓅᓯᕐᒥᓂᒃ ᐃᓂᖃᕐᓂᐊᕐᐳᖅ ᓴᐳᑦᔭᐅᓯᒪᔪᒥ ᖃᓄᐃᓐᓇᖏᑦᑐᒦᓐᓂᐊᕐᐳᖅ ᑲᑉᐱᐊᓲᑎᒃᓴᖃᖏᓪᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 3:16

ᑕᕝᕙ ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᓂᐱᑯᓁᓵ, ᐅᕙᑦᑎᓐᓂᒃ ᓵᖕᓂ ᓇᖕᒥᓂᑦᑎᓐᓂᒃ ᓴᐳᑎᓇᓱᐊᕆᐊᖃᓐᖏᓚᒍᑦ.

ᓘᑲᓯᐅᑉ ᐊᒡᓚᖏᑦ 21:19

ᕿᓄᐃᓵᕐᓂᑦᓯᓐᓄᑦ ᑭᓯᐊᓂ ᐃᓕᑦᓯᓐᓂᒃ ᐱᐅᓕᔪᒫᕐᐳᓯ.”

ᓘᑲᓯᐅᑉ ᐊᒡᓚᖏᑦ 21:9

ᐅᓇᑕᕐᑐᓂᒃ ᑐᓴᕈᑦᓯ ᓵᓚᒋᖃᑦᑕᐅᑎᓇᓱᒃᑐᓂᒃ, ᓯᕘᕋᓂᐊᕋᓯ; ᑕᒪᒃᑯᐊ ᓯᕗᓪᓕᐅᔭᕆᐊᖃᕐᒪᑕ, ᓯᓚᕐᔫᓪᓕ ᐃᓱᐊ ᓱᓕ ᓇᓪᓕᐅᑎᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 14:1

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 27:25

ᑕᒪᓐᓇ ᐱᓪᓗᒍ ᓇᖏᐊᕐᑍᓕᒋᑦᓯ, ᒎᑎ ᐅᒃᐱᕆᒐᒃᑯ, ᐅᖃᐅᓯᕆᔭᖓ ᓱᓕᓂᐊᕐᒪᑦ.