ᐃᓐᖏᕈᑎᑦ 112:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓚᒌᑦ ᐱᖁᑎᖃᑦᓯᐊᕐᓂᐊᕐᐳᑦ ᐊᔪᕐᓴᖏᑦᑑᓗᑎᒡᓗ, ᐃᓅᑦᓯᐊᕐᓂᖓᓗ ᒪᑭᑕᓂᐊᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 112:3 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:6

ᐃᓱᐊᕐᑐᒥᒃ ᐃᓅᓯᖃᕐᑑᑉ ᐃᒡᓗᖓ ᐅᓄᕐᑐᓂᒃ ᐱᒃᑯᒥᓇᕐᑐᓂᒃ ᐱᑕᖃᕐᐳᑦ, ᐱᐅᖏᑦᑐᓪᓕ ᑮᓇᐅᔭᕐᑖᕆᕙᒃᑕᖏᑦ ᐃᓱᐊᖏᑦᑐᕐᑕᖃᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:16

ᐃᓅᑯᑖᒃᑎᑕᐅᓂᖅ ᑕᓕᕐᐱᖕᒥᓄᑦ ᑎᒍᒥᐊᕐᐹ, ᓴᐅᒥᖕᒥᓂᓗ ᐊᒃᓗᐃᓂᕐᒥᒃ ᐅᐱᒋᔭᐅᓂᕐᒥᒡᓗ ᑎᒍᒥᐊᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 111:3

ᑖᑦᓱᒪ ᐱᓇᓱᐊᕐᓂᖓ ᐅᐱᒋᔭᒃᓴᐅᕗᖅ ᓂᕐᑐᕐᓇᕐᑑᓪᓗᓂᓗ, ᐃᓱᐊᕐᓂᖓᓗ ᓱᕐᕋᖕᓂᐊᓐᖏᓚᖅ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 32:17

ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

ᔫᐱᐅᑉ ᐊᒡᓚᖏᑦ 5:24

ᖃᐅᔨᔪᒫᕐᐳᑎᑦ ᑐᐲᑦ ᐊᑦᑕᕐᓇᕐᑐᖃᖏᓐᓂᖓᓂᒃ; ᓰᐱᖁᑎᑎᓪᓗ ᖃᐅᔨᓴᕈᕕᒋᑦ ᐊᓯᐅᓯᒪᔪᖃᕈᒫᓐᖏᓚᑦ.

ᐃᓐᖏᕈᑎᑦ 34:10

ᓛᔧᑦ ᐃᓐᓇᐅᖏᑦᑐᑦ ᐊᔪᕐᓴᕈᓐᓇᕐᐳᑦ, ᑳᒡᓗᑎᒡᓗ ᐊᑕᓂᕐᒥᒡᓕ ᕿᓂᕐᑐᑦ ᓱᓇᒥᒡᓘᓐᓃᑦ ᐱᐅᔪᒥᒃ ᑭᓐᖒᒪᔭᖃᓐᖏᓚᑦ.

ᐃᓐᖏᕈᑎᑦ 34:11

ᕾᒋᑦᓯ, ᕿᑐᕐᖓᐅᔪᓯ, ᓈᓚᓚᐅᕐᓯᓐᖓ; ᓯᕘᕋᓂᕐᒥᒃ ᐊᑕᓂᕐᒥᒃ ᐊᔪᕆᕐᑐᕐᓂᐊᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:20

ᓯᓚᑐᔪᑦ ᐃᒡᓗᖓᓂ ᖃᓄᐃᑦᑐᑐᐃᓐᓇᕐᓂᒃ ᐱᒃᑯᒥᓇᕐᑐᓂᒃ ᐅᕐᓱᒃᓴᓂᒡᓗ ᐱᑕᖃᕐᐳᖅ, ᓯᓔᑦᑐᓪᓕ ᑕᒤᓐᓂᒃ ᓄᖑᕈᑎᑲᐅᑎᒋᕚᒃᐳᑦ.