ᐃᓐᖏᕈᑎᑦ 111:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᕿᒃᓴᓂᒃ ᑐᓂᓯᖃᑦᑕᕐᐳᖅ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒋᓯᒪᔭᒥᓂᒃ ᐃᖅᑲᐅᒪᑦᓮᓐᓇᕐᐳᖅ.

ᐃᓐᖏᕈᑎᑦ 111:5 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 105:8

ᑖᑦᓱᒪ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐊᖏᕈᑎᒋᓚᐅᕐᑕᓂ ᑭᖑᕚᕆᓄᑦ ᐃᓱᖃᖏᑦᑐᒧᑦ,

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 33:18

ᐊᑕᓂᐅᓪᓕ ᑕᑯᓐᓇᕐᐰᑦ ᑖᑦᓱᒥᖓ ᓯᕗᕋᔪᑦ, ᑍᒃᑯᐊ ᓂᑲᒋᔭᐅᓂᕐᒥᒃ ᑖᑦᓱᒪᓐᖓᑦ ᓂᕆᐅᒃᑐᑦ,

ᐃᓐᖏᕈᑎᑦ 33:19

ᑕᕐᓂᕐᒥᖕᓂᒃ ᓴᐳᑎᔭᐅᖁᔨᔪᑦ ᑐᖁᒥᑦ, ᑖᑦᓱᒧᖓᓗ ᐃᓅᑎᑕᐅᔪᒪᓪᓗᑎᒃ ᑳᖕᓇᕐᑐᕐᔪᐊᒥ.

ᐃᓐᖏᕈᑎᑦ 37:3

ᐊᑕᓂᖅ ᑕᑎᒋᒍᒃ, ᐱᐅᔪᓂᒡᓗ ᐱᓂᐊᕐᓗᑎᑦ; ᓄᓇᒥ ᐃᓂᖃᕐᑎᓪᓗᑎᑦ ᑲᑉᐱᐊᓇᖏᑦᑐᒥ ᐃᓅᖁᓪᓗᑎᑦ ᓱᖁᓯᔪᐃᑦᑑᓂᖓᓂ.

ᐃᓐᖏᕈᑎᑦ 89:34

ᐊᖏᖃᑎᖃᕐᓯᒪᓂᕋ ᓯᖁᒥᓐᓂᐊᓐᖏᓚᕋ, ᐅᖃᐅᓰᓪᓗ ᐅᕙᓐᓂᑦ ᐊᓂᓯᒪᔪᑦ ᓴᖑᑎᓐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 33:16

ᑍᒤᑦᑐᖅ ᐃᓂᖃᕐᓂᐊᕐᐳᖅ ᖁᕝᕙᓯᒃᑐᒥ; ᕿᒫᕕᒃᓴᖃᕐᓂᐊᕐᐳᖅ ᐅᔭᖅᑲᓂᒃ ᐊᕙᓗᓕᐅᕐᓯᒪᔪᓂ; ᓂᕿᒃᓴᖃᕐᑎᑕᐅᓂᐊᕐᐳᖅ, ᐃᒥᒃᓴᖃᕐᑎᑕᐅᓗᓂᓗ ᑲᔪᓯᑦᓯᐊᕐᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 12:30

ᓯᓚᕐᔪᐊᕐᒥᐅᑦ ᑍᒪᓐᖓᑦ ᑍᒤᑦᑐᓂᒃ ᐱᓇᓱᐊᕐᐳᑦ; ᐊᑖᑕᑦᓯ ᖃᐅᔨᒪᕚᓯ ᑕᒪᒃᑯᓂᖓ ᐱᔭᕆᐊᖃᕋᑦᓯ.