ᐃᓐᖏᕈᑎᑦ 11:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᐅᖏᑦᑐᓕᔪᑦ ᐱᑎᒃᓯᑎᒃ ᕿᓗᕔᑦ, ᖃᕐᔪᑎᒡᓗ ᐃᓕᕔᑦ ᓄᖃᕐᑎᒥᖕᓄᑦ, ᐃᔨᕋᕐᑐᕐᓗᑎᒃ ᐱᑎᒃᓯᔪᒪᓪᓗᑎᒃ ᓱᓕᑦᓯᐊᕐᑐᓂᒃ ᐆᒻᒪᑎᓕᖕᓂᒃ.

ᐃᓐᖏᕈᑎᑦ 11:2 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᐃᓐᖏᕈᑎᑦ 37:14

ᐱᐅᖏᑦᑐᓕᔪᑦ ᓴᕕᒡᔪᐊᒥᖕᓂᒃ ᐊᒧᓯᕗᑦ ᐱᑎᒃᓯᑎᒡᓗ ᕿᓗᓯᒪᕔᑦ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᐅᕐᕈᑎᑦᓱᒪᓪᓗᒋᑦ, ᑐᖁᑦᓱᒪᓪᓗᒋᓪᓗ ᓱᓕᑦᓯᐊᕐᑐᒥᒃ ᐃᓅᔪᑦ.

ᐃᓐᖏᕈᑎᑦ 21:12

ᑍᒤᒻᒪᑦ ᕿᒫᑎᓐᓂᐊᕋᕕᒋᑦ; ᐅᕐᓕᕐᑐᕐᓂᐊᕋᕕᒋᓪᓗ ᐱᑎᒃᓰᑦ ᕿᓗᓯᒪᓗᒍ ᑮᓇᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 26:4

ᔩᓱᓯᒥᒃ ᑎᒍᓯᔪᒪᓪᓗᑎᒃ ᐃᓱᒪᖃᑎᒌᒃᐳᑦ ᖃᐅᔨᔭᐅᑦᑍᓕᓪᓗᑎᒃ ᑐᖁᑕᐅᑎᑦᓱᒪᓪᓗᒍ.

ᐃᓐᖏᕈᑎᑦ 142:3

ᐊᓂᕐᓂᕋ ᓄᑭᖃᕈᓐᓃᓕᕌᖓᑦ, ᐊᑐᕐᑕᕋ ᖃᐅᔨᒪᑦᓯᐊᖃᑦᑕᕐᐸᑦ! ᐊᖅᑯᑎᒋᓂᐊᕐᑕᓐᓂ ᐃᔨᕋᕐᑐᕐᓗᑎᒃ ᐅᕙᓐᓄᑦ ᓂᒐᓕᐅᕐᓯᒪᕗᑦ.

ᐃᓐᖏᕈᑎᑦ 125:4

ᐊᑕᓃᖅ, ᐱᐅᔪᑦ ᐱᓇᓱᐊᕐᕕᒋᓚᐅᒃᑭᑦ ᐱᐅᔪᒥᒃ, ᐆᒻᒪᑎᒥᒍᓪᓗ ᓈᒻᒪᓈᕐᓯᒪᔪᓂᒃ ᒪᓕᒃᑐᑦ.

ᐃᓐᖏᕈᑎᑦ 97:11

ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.

ᐃᓐᖏᕈᑎᑦ 94:15

ᓈᒻᒪᓈᕐᑐᒥᒃ ᐱᓇᓱᐊᕐᕕᐅᓂᖅ ᐅᑎᕐᓂᐊᕐᐳᖅ ᐃᓱᐊᕐᑐᓕᔪᓄᑦ, ᐆᒻᒪᑎᒥᒍᓪᓗ ᐃᓱᐊᕐᑐᓕᔪᓕᒫᑦ ᑕᒪᑐᒥᖓ ᒪᓕᖕᓂᐊᕐᐳᑦ.

ᐃᓐᖏᕈᑎᑦ 64:10

ᐃᓱᐊᕐᑐᓪᓕ ᖁᕕᐊᓲᑎᖃᕐᓕᑦ ᐊᑕᓂᕐᒥᒃ, ᕿᒫᕝᕕᒋᓗᒍᓗ! ᐃᓅᑦᓯᐊᕋᓱᒃᑐᓕᒫᑦ ᐆᒻᒪᑎᒥᒍᑦ ᓂᕐᑐᐃᓕᕐᓕᑦ.

ᐃᓐᖏᕈᑎᑦ 32:11

ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!

ᐃᓐᖏᕈᑎᑦ 10:2

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᔪᕐᓴᕐᑐᑦ ᓵᓚᒋᓇᓱᐊᕐᐰᑦ; ᓵᓚᖃᕈᒪᓂᕐᒧᑦ ᐃᓱᒪᖃᑎᒌᒍᑎᒋᓯᒪᔭᒥᖕᓄᑦ ᓇᖕᒥᓂᖅ ᓵᓚᐅᓚᐅᕐᓕᑦ.

ᐃᓐᖏᕈᑎᑦ 7:12

ᓵᒋᐊᖏᑦᑐᖃᕐᐸᑦ, ᒎᑎᐅᑉ ᓴᕕᒡᔪᐊᓂ ᐃᐱᒃᓴᕐᓂᐊᕐᐹ; ᐱᑎᒃᓯᓂᓗ ᕿᓗᕚ ᐅᑕᖅᑭᓕᕐᓗᓂᓗ.

ᐃᓐᖏᕈᑎᑦ 7:10

ᓴᐳᑦᔭᐅᓂᕋ ᒎᑎᒥᑦ ᐱᕗᖅ; ᑖᑦᓱᒪ ᐆᒻᒪᑏᑦ ᓱᓕᔪᑦ ᓴᐳᑎᖕᒪᒋᑦ.

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᓴᒧᐃᓕ ᓯᕗᓪᓖᑦ 18:21

ᐃᓱᒪᖃᕐᓗᓂ, “ᒤᑲᓪ ᑍᕕᑎᒧᑦ ᑐᓂᓂᐊᕐᐸᕋ; ᑖᓐᓇ ᐊᑐᕐᓗᒍ ᐱᕖᕈᑎᑎᓐᓂᐊᕋᒃᑯ, ᐱᓕᔅᑍᓂᒥᐅᓪᓗ ᐊᖅᑯᑎᒋᓗᒋᑦ ᑐᖁᑕᐅᑎᓐᓂᐊᕋᒃᑯ.” ᑍᒤᒻᒪᑦ ᓴᐅᓕᐅᑉ ᑍᕕᑎ ᐅᖃᐅᑎᓕᕆᕚ, “ᒫᓐᓇ ᓂᖓᐅᑖᕆᔭᒃᓴᕆᓕᕐᐸᒋᑦ.”