ᐃᓐᖏᕈᑎᑦ 109:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑖᓐᓇ ᐊᔪᕐᓴᕐᑑᑉ ᑕᓕᕐᐱᐊᓂ ᓇᖏᕐᓂᐊᕐᒪᑦ, ᐱᐅᓕᔪᒪᓪᓗᒍ ᑖᒃᑯᓇᓐᖓᑦ ᑐᖁᑕᒃᓴᓐᖑᕐᑎᑦᓯᔪᓂᑦ.

ᐃᓐᖏᕈᑎᑦ 109:31 ပူးပေါင်းရင်းမြစ်များ

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 109:16

ᑖᓐᓇ ᐱᑦᓯᐊᕆᐊᒃᓴᕐᓘᓐᓃᑦ ᐃᖅᑲᐅᒪᓚᐅᕐᓯᒪᓐᖏᓚᖅ, ᐊᑭᕋᕐᑐᖃᑦᑕᓚᐅᕐᐳᕐᓕ ᐊᔪᕐᓴᕐᑐᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ, ᐆᒻᒪᑎᒥᒍᑦ ᐋᓐᓂᐊᔪᑦ ᐊᒡᓛᑦ ᑐᖁᑦᓱᒪᖃᑦᑕᓚᐅᕐᐰᑦ.

ᐃᓐᖏᕈᑎᑦ 110:5

ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ.

ᐃᓐᖏᕈᑎᑦ 121:5

ᐊᑕᓂᖅ ᓴᐳᑦᔨᔨᒋᕙᑦ; ᐊᑕᓂᖅ ᓴᓂᖕᓃᑉᐳᖅ ᑕᓕᕐᐱᖔᕐᓃᓪᓗᓂ.

ᐃᓐᖏᕈᑎᑦ 140:12

ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ, ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.

ᐃᓐᖏᕈᑎᑦ 16:8

ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᐃᓐᖏᕈᑎᑦ 73:23

ᐃᓕᖕᓄᓪᓕ ᖃᓂᑦᑑᖏᓐᓇᓚᐅᕐᐳᖓ; ᐊᒡᒐᒃᑯᑦ ᑕᓕᕐᐱᒃᑯᑦ ᑎᒍᒥᐊᓚᐅᕋᕕᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”