22 ᐊᔪᕐᓴᕋᒪ ᐃᑲᔪᕐᑕᐅᔭᕆᐊᖃᓕᕐᓗᖓᓗ, ᐆᒻᒪᑎᒐ ᐋᓐᓂᕐᓯᒪᖕᒪᑦ ᐃᓗᓐᓂ.
ᒎᑎᐅᑉ ᐃᓄᖁᑎᖓ ᑎᑭᓐᓇᒥᐅᒃ ᖃᖅᑲᐅᑉ ᖄᖓᓂ ᐅᑯᓪᓗᓂ ᐃᑎᒐᖏᑦ ᑎᒍᕔᑦ, ᒋᕼᐋᓯᐅᑉ ᐅᐸᒡᓗᒍ ᐲᕐᑎᒋᐊᕋᓗᐊᕐᒪᒍ. ᒎᑎᐅᑉ ᐃᓄᖁᑎᖓᑕ ᐅᖃᐅᑎᕚ, “ᑲᒪᒋᖏᓪᓗᒍ, ᖁᕕᐊᓱᖏᑦᑐᖅ ᐅᒡᒍᐊᕐᕙᓗᖕᒪᑦ, ᐊᑕᓂᐅᑉ ᖃᐅᔨᑎᖏᒻᒪᖓ ᓱᖕᒪᖔᑦ.”
ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.
ᐆᒻᒪᑎᒐ ᐊᓇᐅᓕᕐᑕᐅᓂᑰᕗᖅ ᐃᕕᒃᓱᒃᑲᑎᑐᑦ ᐸᓂᕐᑐᑎᑐᑦ; ᐊᒡᓛᑦ ᓂᕆᔭᒃᓴᒃᑲ ᓂᕆᔭᕆᐊᖏᑦ ᐳᐃᒍᕐᓯᒪᕙᒃᑲ.
ᑖᓐᓇ ᐱᑦᓯᐊᕆᐊᒃᓴᕐᓘᓐᓃᑦ ᐃᖅᑲᐅᒪᓚᐅᕐᓯᒪᓐᖏᓚᖅ, ᐊᑭᕋᕐᑐᖃᑦᑕᓚᐅᕐᐳᕐᓕ ᐊᔪᕐᓴᕐᑐᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ, ᐆᒻᒪᑎᒥᒍᑦ ᐋᓐᓂᐊᔪᑦ ᐊᒡᓛᑦ ᑐᖁᑦᓱᒪᖃᑦᑕᓚᐅᕐᐰᑦ.
ᐅᕙᖓᓕ ᖁᐱᕐᕉᕗᖓ, ᐃᓅᓇᖓᓗ; ᐃᓄᖕᓄᑦ ᓇᕐᕈᓇᕐᐳᖓ, ᐃᓄᒋᐊᒃᑐᓂᑦ ᐃᓚᒋᔭᐅᔪᒪᓐᖏᓚᖓ.
ᐅᕙᓐᓄᑦ ᓵᓚᐅᕆᑦ, ᓂᑲᒋᓗᖓᓗ; ᐃᓄᑑᓂᕐᒧᑦ ᑭᐱᓐᖑᒐᒪ ᐋᓐᓂᐊᓪᓗᖓᓗ.
ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.
ᐊᑕᓃᖅ ᓯᐅᑏᒃᑭᒃ ᒪᓂᓚᐅᒃᑭᑦ, ᑐᓴᕐᓗᖓᓗ, ᓴᐱᕐᓇᕐᑐᒦᓕᕋᒪ ᐃᑲᔪᕐᑕᐅᔭᕆᐊᖃᕐᓗᖓᓗ.
ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.
ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”
ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.
“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᕐᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ.
ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.
