ᐃᓐᖏᕈᑎᑦ 107:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᓇᓪᓕᐊᑦ ᑕᕝᕙ ᓯᓚᑐᔪᖅ, ᑕᒪᒃᑯᓂᖓ ᐃᓱᒪᒃᓴᕐᓯᐅᕈᑎᖃᕐᓂᐊᕐᐳᖅ, ᖃᐅᔨᓂᐊᕐᓗᑎᒡᓗ ᐊᑕᓂᐅᑉ ᓇᒡᓕᒍᓱᖕᓂᖓᓂᒃ ᓱᖁᓯᔪᐃᑦᑐᒥᒃ.

ᐃᓐᖏᕈᑎᑦ 107:43 ပူးပေါင်းရင်းမြစ်များ

ᐃᓐᖏᕈᑎᑦ 28:5

ᐊᑕᓂᐅᑉ ᐱᓂᐊᕐᓂᖏᓐᓂᒃ ᑲᒪᖏᒻᒪᑕ, ᐊᒡᒐᖕᒥᓄᓪᓗ ᓴᓇᓯᒪᔭᖏᓐᓂᒃ ᐊᒡᓛᑦ, ᑖᑦᓱᒪ ᓄᖑᑦᓱᒫᕐᐰᑦ, ᒪᑭᑎᓐᓂᐊᕈᓐᓃᕐᓗᒋᓪᓗ.

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᐃᓐᖏᕈᑎᑦ 64:9

ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 42:20

ᐅᓄᕐᑐᓂᒃ ᑕᑯᓯᒪᓕᕋᓗᐊᕐᓗᓯ ᐅᑦᔨᕈᓱᓚᐅᓐᖏᓚᓯ, ᓯᐅᑎᖃᕋᓗᐊᕐᓗᓯ ᑐᓵᔪᓂᒃ ᑐᓵᖏᑦᑐᑎᑐᑦ ᑐᑭᓯᔪᓐᓇᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 10:12

ᐅᖃᒃᑲᓐᓂᕆᕗᖅ, “ᑲᑉᐱᐊᓱᖏᓪᓗᑎᑦ ᑖᓂᐊᓖ: ᐅᓪᓗᐃᑦ ᓯᕗᓪᓕᕐᐹᖓᓂ, ᑐᑭᓯᔪᒪᓪᓗᑎᑦ ᐃᓱᒪᓕᓚᐅᕋᕕᑦ ᒥᑭᒡᓕᑎᕐᓗᑎᓪᓗ ᒎᑎᒧᑦ, ᐅᖃᐅᓯᕐᑎᑦ ᑐᓵᔭᐅᓚᐅᕐᐳᑦ, ᕾᕗᖓᓗ ᑭᐅᔭᐅᑦᔪᑎᖕᓂᒃ ᐅᖃᐅᑎᔭᕐᑐᕐᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 12:10

ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.